Jak paviedamiła pravaabaronca Taćciana Raviaka, u piaci čałaviek, asudžanych za Płošču-2010, skončylisia terminy adbyćcia pakarańnia. Heta Siarhiej Vaźniak, Alaksandr Fiaduta, Andrej Dźmitryjeŭ, Vital Rymašeski i Siarhiej Marcaleŭ. «Viartajecca peŭnaja vola da ludziej», — adznačaje Raviaka.
Z Marcaleva źniali abmiežavańni 20 lipienia, z astatnich — z 22. Ale jašče dva hady va ŭsich budzie zachoŭvacca sudzimaść.
Prysudy nakładali peŭnyja abmiežavańni: davodziłasia adznačacca ŭ milicyi, nielha było biez dazvołu mianiać miesca žycharstva, byŭ zabaronieny vyjezd za miažu.
Razam z tym, źviartaje ŭvahu Raviaka, zastajucca dva «palityčnyja», pra jakich faktyčna zabyli. Heta Dźmitryj Miadźviedź i Śviatasłaŭ Baranovič. Jany asudžanyja na try hady abmiežavańnia voli biez nakiravańnia ŭ śpiecustanovy i znachodziacca pad našmat bolš žorstkimi abmiežavańniami.
