Dacki akcior Łars Mikielsien vykanaŭ rolu hałoŭnaha antahanista ŭ trecim siezonie brytanskaha telesieryjała «Šerłak». Pradziusier prajekta Śju Vierčju napisała pra heta ŭ svaim Twitter, prykłaŭšy da paviedamleńnia fotazdymak akciora (na fota ŭviersie) ŭ vobrazie złodzieja.
Mikielsien vykanaŭ rolu Čarlza Ahastesa Mahnusena. Miarkujučy pa imieni, pratatypam hetaha piersanaža źjaŭlajecca Č.A.Miłviertan, šantažyst z apaviadańnia «Kaniec Čarlza Ahastesa Miłviertana», jaki ŭvajšoŭ u zbornik «Viartańnie Šerłaka Chołmsa», apublikavanaha ŭpieršyniu ŭ 1905.
U sieryjale «Šerłak» padziei razhortvajucca ŭ našy dni, a nie na miažy XIX i XX stst.Samoha detektyva hraje Bieniedykt Kambierbetč, rola jaho naparnika doktara Vatsana vykonvaje Marcin Fryman. Sieryjał demanstrujecca na kanale BBC One ź lipienia 2010 hoda. Hledačy ŭžo paśpieli pabačyć dva siezony, kožny ź jakich uklučaje pa try sieryi.
Treci siezon «Šerłaka» užo byŭ anansavany aficyjna, adnak data vychadu ŭ efir novych sieryj da hetaha času nie viadomaja. Kambierbetč u sakaviku 2013 hoda zajaviŭ, što ŭžo pahadziŭsia na ŭdzieł u zdymkach čaćviortaha siezona.
0
0
0
0
0
0
