Śledam za Bielinviestbankam najbujniejšy bank krainy Biełarusbank spyniŭ pryjom zajaŭ achvotnych atrymać lhotnyja kredyty pad 14% i 16%. Ciapier klijentam banka dastupnyja tolki try kredyty na žyllo, adzin ź jakich — pad 12% hadavych dla šmatdzietnych siemjaŭ.
«My prypynili pryjom dakumientaŭ na niavyznačany termin, — rastłumačyli ŭ Biełarusbanku. — Heta źviazana z koštam resursaŭ: my pryciahvajem srodki pad 35%, a vydajem pad 16%, pahadziciesia, heta nie łahična. Ale tyja, chto paśpieŭ zaklučyć damovu da 2 žniŭnia, prakredytujecca ŭ poŭnym abjomie.
Zaraz Biełarusbank prapanuje try kredyty.Pieršy — pad 12% dla šmatdzietnych siemjaŭ, pryčym tolki tym «čarhavikam», u jakich dachod na kožnaha člena siamji nie pieravyšaje 4,788 młn rubloŭ u miesiac. Pry hetym košt kvadratnaha mietra kredytujecca zychodziačy z raźliku 4,6 młn rubloŭ, niezaležna ad taho, kolki kaštuje «kvadrat» na samaj spravie.
Tym, chto nie traplaje pad katehoryju «šmatdzietnyja», ale maje patrebu ŭ palapšeńni žyllovych umoŭ, Biełarusbank prapanoŭvaje kredyt na nastupnych umovach — staŭka refinansavańnia, jakaja ciapier składaje 23,5%, plus 2 pracentnyja punkty na termin da 20 hadoŭ.Pamier kredytu moža pakryć da 75% koštu žylla.
Tyja, chto nie maje patreby, mohuć uziać kredyt na termin da 15 hadoŭ na ŭmovach SR + 5 p.p.
Nahadajem, Bielinviestbank naohuł nie prymaje zajaŭki na kredyty na žyllo, a Biełahraprambank vydaje hrošy šmatdzietnym pad 12% i niešmatdzietnym pad 14%, ale z ahavorkaj — budavacca i žyć treba ŭ sielskaj miascovaści.Inšyja katehoryi mohuć pretendavać na kredyt pad 28,5% hadavych (SR +5 p.p.).
0
0
0
0
0
0
