Na terytoryi Jeŭropy i Paŭnočnaj Amieryki hulnia vyjdzie 26 vieraśnia.
World of Warplanes — heta MŠA-ekšn (masavaja šmatkarystalnickaja anłajn-hulnia), pryśviečanaja załatoj eposie vajennaj avijacyi, što ŭklučaje ŭ siabie vajennyja mašyny niekalkich klučavych pieryjadaŭ u historyi samalotabudavańnia — ad bipłanaŭ 1930-ch hadoŭ da reaktyŭnych źniščalnikaŭ Karejskaj vajny, jakija stali prabaćkami sučasnaj vajennaj avijacyi.
U World of Warplanes buduć dastupnyja sotni samalotaŭ hałoŭnych pavietranych zvyšdziaržaŭ,
jakija majuć unikalnyja charaktarystyki i pavodziny ŭ bai. Virtualnym piłotam paŭstanuć na vybar try asnoŭnyja kłasy techniki: adnamatornyja źniščalniki, najbolš efiektyŭnyja ŭ blizkim manieŭranym bai, ciažkija źniščalniki, niebiaśpiečnyja dla luboha sapiernika dziakujučy mahutnamu ŭzbrajeńniu, i šturmaviki — hałoŭnyja palaŭničyja za naziemnymi metami.
Dla kožnaha samalota budzie dastupna niekalki typaŭ uzbrajeńnia, raznastajnyja varyjanty płaniora i ruchavikoŭ, i ich roznyja kambinacyi dazvolać znajści aptymalnuju kanfihuracyju dla aptymalnych pavodzinaŭ mašyny ŭ bai.
Adkryty beta-test «Samalotaŭ» startavaŭ dva miesiacy tamu i staŭ adnym z samych paśpiachovych u historyi Wargaming. Reliznaja viersija hulni pradstavić amataram dynamičnych pavietranych batalij kala sta madelaŭ samalotaŭ z ZŠA, SSSR, Japonii, Hiermanii i Vialikabrytanii.
Wargaming — adzin z najbujniejšych suśvietnych vydaŭcoŭ i raspracoŭščykaŭ na rynku free-to-play MŠA. Štab-kvatera znachodzicca ŭ Minsku. Kampanija była zasnavanaja ŭ 1998 hodzie i za hety čas paśpieła z hrupy entuzijastaŭ pieratvarycca ŭ mižnarodnuju karparacyju, jakaja naličvaje 1600 supracoŭnikaŭ, i vypuścić bolš za 15 hulniaŭ.
Fłahmanski prajekt kampanii, tankavy ekšn World of Tanks, paśpieŭ zavajavać mnostva ŭznaharod ad viadučych hulniavych vydańniaŭ i stać adnym z samych paśpiachovych MŠA-prajektaŭ.
