Abarona Uładzisłava Baŭmhiertniera abskardziła 9 vieraśnia rašeńnie suda Partyzanskaha rajona Minska ab zachavańni jamu vybranaj miery strymańnia ŭ Minski haradski sud, paviedamiŭ advakat aryštavanaha hiendyrektara AAT «Urałkalij» Dźmitryj Haračka.
Pavodle jaho soŭ, Baŭmhiertnier adčuvaje siabie narmalna, i staŭleńnie supracoŭnikaŭ śledčaha izalatara KDB taksama narmalnaje.
Nahadajem, 6 vieraśnia sud Partyzanskaha rajona Minska pad staršynstvam sudździ Natalli Pykinaj pryniaŭ rašeńnie nie źmianiać Baŭmhiertnieru mieru strymańnia, pakinuŭšy jaho pad vartaj.
Hiendyrektar «Urałkalija», staršynia nahladalnaj rady ZAT «Biełaruskaja kalijnaja kampanija» (BKK) Uładzisłaŭ Baŭmhiertnier byŭ zatrymany 26 žniŭnia ŭ Minsku, kudy prybyŭ pa zaprašeńni prem'
jer-ministra Biełarusi Michaiła Miaśnikoviča.
Pavodle infarmacyi Śledčaha kamiteta, jon abvinavačvajecca pa č. 3 art. 424 Kryminalnaha kodeksa (złoŭžyvańnie ŭładaj i słužbovymi paŭnamoctvami). Padstavaj dla zatrymańnia stali materyjały ab učynieńni Baŭmhiertnieram «jaŭnych złoŭžyvańniaŭ słužbovymi paŭnamoctvami ŭ karysnych metach, što paciahnuła naniasieńnie istotnaha ŭronu dziaržaŭnym i hramadskim intaresam krainy, a taksama naniasieńnie ŭronu ŭ asabliva bujnym pamiery AAT «Biełaruśkalij» i ZAT «BKK».
