Fota Dźmitryja Rahulina, ITAR-TASS.
Zachodnija ŚMI adreahavali na terakt u Vałhahradzie artykułami, dzie vykazvajucca sumnievy adnosna biaśpieki naviedvańnia Alimpijady ŭ Sočy, piša Hazieta.ru.
«Vybuch ŭsiaho praz dva miesiacy paśla teraktu ŭ tym ža horadzie (śmiarotnica Naida Asijałava padarvała aŭtobus u Vałhahradzie 21 kastryčnika) ŭmacoŭvaje aściarohi ŭ mahčymym napadzie isłamskich bajevikoŭ na abjekty zimovaj Alimpijady, jakuju Rasieja źbirajecca pravieści ŭ horadzie Sočy na Čornym mory mienš čym praz šeść tydniaŭ», — piša The Telegraph.
«Nakolki biaśpiečnaja Alimpijada ŭ Sočy?» — zadajecca pytańniem CNN u svaim tvitery i pryvodzić spasyłku na siužet telekanała, jaki raspaviadaje ab teraktach na Kaŭkazie, blizkaści Sočy da prablemnaha rehijona i arhanizacyi biaśpieki na rasijskich vakzałach.
U červieni lidar čačenskaj hrupoŭki Doku Umaraŭ zaklikaŭ svaich terarystaŭ zasiarodzić padryŭnuju pracu na Alimpijadzie, nahadvaje Independent, adznačajučy, što «Vałhahrad znachodzicca ŭsiaho ŭ 690 km ad Sočy».