Uviečary 5 studzienia ŭ Minsku prajšoŭ prafiesijny turnir pa kikboksinhu «Daroha ŭ Łas-Viehas».
Pieramožca spabornictvaŭ atrymaje prava ŭdziełu ŭ hrandyjoznaj bajcoŭskaj padziei hoda ŭ amierykanskim Łas-Viehasie. Turniry z udziełam zorak suśvietnaj vieličyni prachodziać tam na šou-placoŭcy kompleksu «Cezar» ad 2010 hoda prykładna raz na kvartał. Bližejšyja spabornictvy adbuducca 8 sakavika. Na ich vystupiać biełaruskija spartsmieny Vital Hurkoŭ (71 kh), Pavieł Turuk (81 kh) i Dzianis Hančaronak (91 kh).
«My pravodzim hety turnir pa praviłach amierykanskaha kikboksinha, — raskazaŭ BiełaPAN staršy trenier zbornaj krainy pa kikboksinhu i tajłandskim boksie Dźmitryj Piasiecki. — U jaho ramkach projdzie adboračnaja čaćviorka, pieramožca jakoj vystupić letam u Łas-Viehasie, na vielmi prestyžnaj placoŭcy kompleksu «Cezar», i piać supierfajtaŭ, u jakich udzielničajuć piać zorak našaha kikboksinha.
My spadziajemsia, što hetyja turniry buduć prachodzić try- čatyry razy na hod z udziełam nie tolki biełarusaŭ, ale i zamiežnych spartsmienaŭ».
Adzinuju pucioŭku ŭ Łas-Viehas zavajavaŭ na turniry Dzianis Zujeŭ z bajcoŭskaha kłuba «Šok». Jaho supiernikami byli Maksim Spadarenka, Dźmitryj Fiłončyk i Jaŭhien Barkoŭski.
