Mižnarodny alimpijski kamitet (MAK) pryjšoŭ da vysnovy, što z pryznačanych na Alimpijadu hrošaj źnikła tracina — prykładna 13 miljardaŭ jeŭra.
Pra heta raskazaŭ žurnalistam prezident Mižnarodnaj fiederacyi łyžnaha sportu (FIS) i člen MAK Džan-Franka Kasper, piša «Echo Moskvy». Pa jaho słovach, biudžet, pryznačany dla arhanizacyi zimovaj Alimpijady, raskradzieny na 30%. Kasper skazaŭ, što jon zusim nie ździŭleny hetamu złačynstvu, bo ličyć, što heta zvyčajnaja źjava dla Rasii. Samu Alimpijadu čynoŭnik MAK nazyvaje pijar-prajektam Uładzimira Pucina. Chadarkoŭskaha, hrynpisaŭcaŭ i pank-śpiavačak vypuścili z turmy mienavita ŭ ramkach pijaru, miarkuje Kasper.
Šanavany čynoŭnik Kasper, jaki voś užo 15 hadoŭ uznačalvaje łyžnuju fiederacyju, nie pieršy raz krytykuje sočynskuju Alimpijadu. Tak, niekalki miesiacaŭ tamu ŭ intervju Die Welt jon raspavioŭ, što ŭ arhanizataraŭ zastajucca «tysiačy niavyrašanych prablem», adnak nieabmiežavanyja finansavyja mahčymaści rasijskaha prezidenta dapamohuć źniać nakładki.
Nahadajem, što Alimpijada ŭ Sočy pačniecca 7 lutaha.
