Supracoŭniki ńju-jorkskaj halerei Les Enluminures vyjavili ŭ niadaŭna nabytym partuhalskaj manuskrypcie malunak kienhuru.
Pa słovach śpiecyjalistaŭ, malunak moža źmianić pohlad historykaŭ na adkryćcio jeŭrapiejcami Aŭstralii.
Manuskrypt z notami carkoŭnych piesnapieńniaŭ halereja nabyła ŭ partuhalskaha kalekcyjaniera za 15 tysiač dalaraŭ. Dakumient datujecca 1580—1620 hadami.
Hałandziec Vilem Janszan, jaki ciapier ličycca pieršym jeŭrapiejcam u Aŭstralii, vysadziŭsia na macieryku tolki ŭ 1606 h. Takim čynam, kali data budzie ŭdakładniena, dakumient moža stać śviedčańniem pryjarytetu partuhalcaŭ u adkryćci Aŭstralii.
«Albo aŭtar hetaha manuskrypta byŭ u Aŭstralii, albo, što jašče cikaviej, malunki aŭstralijskich žyvioł ŭžo byli viadomyja ŭ Partuhalii da momantu jaho stvareńnia» — śćviardžaje supracoŭnik halerei.
Adzin z historykaŭ śćviardžaje, što partuhalcy adkryli Aŭstraliju ŭ 1521-22 hadach.
