Prec-słužba futbolnaha kłuba «Słavija» vystupiła siońnia z zajavaj na aficyjnym sajcie kamandy z nahody ŭčarašniaha hučnaha intervju Juryja Puntusa «Presbołu».
U suviazi z uźniknieńniem roznych čutak, plotak, a taksama adkrytaj śpiekulacyi na ich, FK «Słavija» ličyć nieabchodnym zajavić, što na dadzieny momant aficyjna hałoŭnaha treniera ŭ futbolnaj kamandy niama. Adnosiny ni ź Juryjem Iosifavičam Puntusam, ni z kim inšym nie aformlenyja ŭ dakumientalnaj formie.
Takim čynam, pakul nijakich aficyjnych pryznačeńniaŭ na kirujučyja pasady ŭ kamandzie zroblena nie było.
Na dadzieny momant možna kazać tolki ab dasiahnieńni vusnaj damoŭlenaści z peŭnymi śpiecyjalistami ab ich supracoŭnictvie z FK «Słavija» pry najaŭnaści asablivych umoŭ, jakija na dadzieny momant znachodziacca ŭ pracesie vykanańnia. Dalejšaja infarmacyja ŭ dačynieńni da pryznačeńniaŭ i zaklučeńniaŭ kantraktaŭ u FK «Słavija» budzie źjaŭlacca na aficyjnym sajcie kłuba.