Hledačy viečarovaha efiru telekanała «Biełaruś-1» (BT) zaŭvažyli źmieny ŭ prahramie pieradač. Zamiest tradycyjnaha «U centry ŭvahi» ciapier idzie «Hałoŭny efir».
Asnoŭnaje adroźnieńnie — padvajeńnie kolkaści viadučych. Kali raniej hledačy atrymlivali asałodu ad bahataj mimiki Dźmitryja Bačkova, to ciapier jamu skłała kampaniju Ksienija Kudraŭcava.
Źmianiłasia i studyja. U joj źjaviŭsia vializny ekran, la jakoha staić hość studyi.
Heta musiła ažyvić prahramu. Naprykład, Ksienija Kudraŭcava siońnia imknułasia trapić ź bijatłonnaj vintoŭki ŭ namalavanuju na ekranie mišeń. Spartyŭnuju zbroju prynios adzin z trenieraŭ.
A Dźmitryj Bačkoŭ pryciahnuŭ u studyju sabaku.
Farmat aśviatleńnia navinaŭ zastaŭsia raniejšy. Spačatku apisvajecca tydzień Alaksandra Łukašenki i ŭsio, što ź im źviazana, paśla čarha dachodzić i da inšych paviedamleńniaŭ.