Z-za paškodžańnia asfaltu na 31-m kiłamietry MKAD utvaryŭsia vialiki zator.
Pra heta paviedamiła staršy inśpiektar pa ahitacyi i prapahandzie adździeła DAI Frunzienskaha RUUS h. Minska Alena Vołčak.
«Siońnia na 31-m kiłamietry MKAD u rajonie źjezdu na vulicu Šaranhoviča z-za pierapadu tempieratur u niekalkich miescach prasieŭ hrunt.
U vyniku na darožnym pakryćci ŭtvarylisia jamy šyrynioj kala paŭmietra, hłybinioj kala 20—30 sm. U hetyja jamy trapili ŭžo kala 10 aŭtamabilaŭ, što skončyłasia dla ich paškodžańniem kołaŭ i padvieski», — raspaviała Alena Vołčak.
Na miescy pracujuć inśpiektary DAI, a taksama darožnyja słužby.
Pazaštatnaja situacyja surjozna ŭskładniła darožnuju abstanoŭku na hetym učastku MKAD: ruch choć i nie pierakryty, ale chutkaść na hetym učastku značna źniziłasia, utvaryŭsia vialiki zator.
Na miescy ustanoŭleny časovyja znaki, u tym liku jakija abmiažoŭvajuć ahulnuju chutkaść ruchu. DAI prosić vadzicielaŭ ŭličvać infarmacyju i pa mahčymaści abjazdžać hety ŭčastak.
