Pra heta paviedamili ŭ efiry Hramadskaha TV.
Kala 20.55 pa minskim časie milicyja pačała šturm Majdanu. U chod iduć vadamioty, fiejervierki i dymavyja hranaty. Šturmu papiaredničała patrabavańnie siłavikoŭ, źviernutaje da pratestoŭcaŭ: pakinuć Majdan dla praviadzieńnia milicyjaj «antyterarystyčnaj apieracyi», paviedamlaje UNIAN.
Bierkutaŭcy i bajcy UV stali ŭ bajavy stroj. Z-za ich śpin padjechali try vadamioty, jakija palivajuć barykadu na Chraščaciku i aktyvistaŭ na joj.
Jany pačali łamać barykadu, niahledziačy na toje, što na joj stajali ludzi.
Siłaviki ŭžyvajuć śviatłošumavyja hranaty.
Adnačasova ad Žaŭtnevaha pałaca pa leśvicy spuskajucca atrady siłavikoŭ, jakija iduć u bok barykad na Instytuckaj.
Sa sceny Majdanu zaklikajuć žančyn i pažyłych ludziej zajści za scenu.
Pad stełaj Niezaležnaści haryć pałatka.