Žyvaja tranślacyja z Kijeva:
I jašče adna:
22.06
Premjer-ministr Polščy Donald Tusk zajaviŭ, što ministry zamiežnych spraŭ Polščy, Francyi i Hiermanii damovilisia ŭ čaćvier z prezidentam Ukrainy pra «hatoŭnaść da daterminovych prezidenckich i parłamienckich vybaraŭ, jakija buduć pravodzicca ŭ hetym hodzie». Hetyja prapanovy ciapier analizuje ŭkrainskaja apazicyja.
Jon taksama dadaŭ, što damoŭlena pra «hatoŭnaść stvaryć urad nacyjanalnaha adzinstva ŭ bližejšyja 10 dzion, i da źmieny kanstytucyi da leta hetaha hoda». Tusk pieraściaroh, adnak, što ciažka hetyja damoŭlenaści ź Janukovičam razhladajeć surjozna. «Dośvied pakazvaje, što zabaviazalnictvy, jakija biare na siabie ŭkrainskaja administracyja, redka vykonvajucca», — adznačyŭ jon.
21.12
Samaabarona Majdanu prosić u kijanaŭ kvadrakoptary i drony, kab vyjaŭlać snajpieraŭ
20.55
Cituški złamali skivicu paŭabaroncu kijeŭskaha «Dynama»
20.53
U Lvovie hareli kazarmy «Bierkuta»
20.01
Pres-sakratar prezidenta RF Dźmitryj Piaskoŭ nazvaŭ «kačkaj» paviedamleńni ab tym, što prezident Ukrainy Viktar Janukovič nibyta paprasiŭ palityčnaha prytułku ŭ Rasii.
«Heta «kačka», heta infarmacyjnaja partyzanščyna, infarmacyjnaja vajna», — skazaŭ Piaskoŭ u intervju telekanału «Dožd́».
Na pytańnie, ci hladzić Pucin videatranślacyju padziej u Kijevie, jakuju ŭ hetyja dni pakazvajuć usie suśvietnyja kanały, Piaskoŭ adkazaŭ: «Pucin u mienšaj stupieni bačyć kadry (z Kijeva) — u jaho ciapier niama času hladzieć televizar. Šmat u čym jon atrymlivaje infarmacyju z roznych kanałaŭ».
19.56
Žurnalisty vyśvietlili, što jadnaje siłavikoŭ i citušak
Bajcy, jakija stralali ŭ ludziej U Kijevie, i cituški nosiać na rukavach žoŭtyja stužki, abo inšyja apaznavalnyja prykmiety.
19.28
Kolkaść zahinułych u Kijevie za try dni vyrasła da 67
19.18
Jeŭrapiejski sajuz vyrašyŭ uvieści vizavyja i finansavyja sankcyi suprać vinavatych va ŭžyvańni nievierahodnaha hvałtu va Ukrainie. Pra heta zajavili kiraŭniki Jeŭrasajuza padčas sustrečy ŭ Bruseli.
19.07
Prezident Rasii Uładzimir Pucin pa prośbie prezidenta Ukrainy Viktara Janukoviča adpraŭlaje ŭ Kijeŭ ambudsmiena Uładzimira Łukina ŭ jakaści pasiarednika na pieramovach z apazicyjaj.
Pra heta paviedamlajuć RIA Naviny sa spasyłkaj na zajavu pres - sakratara rasiejskaha lidera Dźmitryja Piaskova.
«Pa inicyjatyvie ŭkrainskaha boku adbyłasia telefonnaja razmova prezidenta Pucina z prezidentam Janukovičam, padčas jakoj prezident Ukrainy prapanavaŭ kiraŭniku rasijskaj dziaržavy nakiravać u Kijeŭ rasijskaha pradstaŭnika dla ŭdziełu ŭ pieramoŭnym pracesie z apazicyjaj jak pasiarednika», — skazaŭ Piaskoŭ.
18.56
Mer Lvova: Samaabarona spyniła sprobu pravakataraŭ atakavać rasijskaje konsulstva
18.33
20 chvilin tamu ŭ vahony sieli pieršyja pasažyry. Adnavić pracu mietro rasparadziŭsia mer Kijeva, jaki zajaviŭ ab vychadzie z Partyi rehijonaŭ prezidenta Janukoviča.
18.31
Aficyjny dziaržaŭny telekanał UT-1 spyniŭ zvyčajnyja pieradačy i ŭklučyŭ žyvuju tranślacyju z Majdanu.
18.17
Ministry vyjšli z Administracyi prezidenta ad Janukoviča sa zmročnymi tvarami. Admovilisia ad zapłanavanaj sustrečy z presaj, paviedamlaje «Ukrainskaja praŭda».
Nahadajem, siońnia ministry zamiežnych spraŭ Polščy, Francyi i Hiermanii sustrakalisia z prezidentam Ukrainy, kab abmierkavać šlachi vychadu z kryzisnaj situacyi ŭ krainie.
17.07
Kiraŭnik MUS Ukrainy: Pravaachoŭnikam vydadzienaja bajavaja zbroja
16.28
10 deputataŭ VR ad Partyi rehijonaŭ pierajšli na bok pratestoŭcaŭ
16.17
U internecie źjaviłasia videa rasstrełu biazzbrojnych paŭstancaŭ snajpierami
16.11
Zakarpackija siłaviki pierajšli na bok Majdanu
16.09
Pad Dnieprapiatroŭskam ludzi lehli na rejki, kab nie puścić na Kijeŭ ciahnik z desantnkami
15.45
Kałona desantnikaŭ na šlachu ŭ Kijeŭ trapiła ŭ DTZ, zahinuli try čałavieki
14:09
fota Jeŭrańjus
14:00
Zabityja na Majdanie
twitter.com/euromaidan
13:55
Vital Kličko: Siońnia — vyrašalny dzień
13:50
Zabityja na Majdanie demanstranty zahinuli ad adzinočnych kulavych ranieńniaŭ
13:25
ŚMI: Siońnia za ranicu na Majdanie ŭ Kijevie zahinuli 25 čałaviek
13:20
Premjer Miadźviedzieŭ: Nie chočacca, kab ab uładu va Ukrainie vycirali nohi
Snajpier streliŭ miedyku ŭ šyju, fota z tvitara Jeŭramajdana
13:12
«Ułada, jakaja daje zahady stralać z aŭtamataŭ pa niaŭzbrojenych ludziach, nie moža być lehitymnaj», napisaŭ u svaim tvitary lidar «Okieana Jelzi» Śviatasłaŭ Vakarčuk.
12:57
Apazicyja zaklikaje hramadzian pakul nie šturmavać Viarchoŭnuju Radu
Tut a 16-j pa Minsku moža adbycca pasiadžeńnie. Pra heta zajaviŭ Alaksandr Turčynaŭ sa sceny Majdana.
Pavodle jaho słoŭ, niekalki deputataŭ inicyjujuć pasiadžeńnie ŭ čaćvier «dla admieny dyktatarskich paŭnamoctvaŭ Janukoviča».
«My padtrymlivajem heta i prosim hramadzian nie šturmavać budynak parłamienta. My pavinny dać harantyi biaśpieki deputatam, jakija siońnia pryjduć tudy», — zajaviŭ Turčynaŭ.
Pavodle jaho słoŭ, pierš za ŭsio heta datyčycca deputataŭ Partyi rehijonaŭ, jakija chočuć padtrymać rašeńnie ab viartańni da Kanstytucyi 2004 hoda.
12:38
Łancuh milicyi adstupaje da Kabmina
twitter.com/euromaidan
12:32
Z Hrušeŭskaha źniali kardon siłavikoŭ, mitynhoŭščyki padychodziać da Mastackaha muzieja.
12:28
Pałonnyja ŭ Kijevie, twitter.com/euromaidan
12:25
Tvitar Jeŭramajdana paviedamlaje, što siońnia, što zahinuła 15 čałaviek u Kijevie.
12:12
U centry Kijeva ministr zamiežnych spraŭ Polščy Radek Sikorski fatahrafuje snajpiera z boku Janukoviča.
Zamiežnyja ministry admianili sustreču ź Janukovičam.
Pałac Janukoviča, vyhlad zzadu, fota z tvitara Radasłava Sikorskaha
fota z tvitara Radasłava Sikorskaha
12:10
40 vahonaŭ z vajskoŭcami nakiroŭvajucca ŭ Kijeŭ
12:04
Na Majdanie Niezaležnaści zaklikajuć ludziej zastavacca ŭ pierymietry i nie vychodzić za miežy barykadaŭ.
Pra heta abviaščajecca sa sceny. «Sotniki, zabiarycie ludziej, arhanizujcie adstupleńnie. Viartajciesia ŭ pierymietr», — abviaščajecca sa sceny.
«Bierkut ściahvaje ciažkuju techniku ŭ VR. Viartajemsia da barykadaŭ, za barykady nie vychodzim».
12:01
U Janukoviča prapanujuć padpisać Kanstytucyjnuju damovu
Kab pavysić davier pamiž palityčnymi siłami Ukrainy, možna padpisać kanstytucyjnuju damovu. Pra heta zajaviŭ kiraŭnik Administracyi prezidenta Andrej Klujeŭ u intervju jeŭrapiejskim vydańniam, paviedamlaje pres-słužba prezidenta.
Pavodle jaho słoŭ, hety dakumient moža ŭtrymlivać asnoŭnyja pryncypovyja pałažeńni, jakija pavinny być adlustravany ŭ Kanstytucyi i vyraznyja abaviazacielstvy bakoŭ. A paśla padpisańnia damovu možna zaćvierdzić pastanovaj Viarchoŭnaj Rady, vykazaŭ zdahadku Klujeŭ.
Jon adznačyŭ, što Viktar Janukovič hatovy iści na sustreču patrabavańniam apazicyi, tamu padtrymlivaje pieramovy pa ŭniasieńni kanstytucyjnych źmienaŭ i skaračeńnia prezidenckich paŭnamoctvaŭ.
11:57
Tvitar Jeŭramajdana pryvodzić fotazdymak, na jakim lažać trupy kala hatela «Kazacki» ŭ Kijevie, i paviedamlaje, što ich užo dzieviać. Šeść ź ich zabityja strełami ŭ šyju.
11:54
«Ja bačyŭ, jak supracoŭnik milicyi płača», — paviedamlaje karespandent telekanała Dožd́ Cimur Oleŭski.
Śviatar viadzie zachoplenaha milicyjaniera, twitter.com/euromaidan
11:45
Idzie evakuacyja supracoŭnikaŭ urada z budynka Kabmina
Zachoplenyja ŭ pałon supracoŭniki UV, twitter.com/euromaidan
11:40
Mitynhoŭcy aktyŭna prybirajuć śmiećcie z Majdana Niezaležnaści i vykarystoŭvajuć jaho dla ŭmacavańnia barykadaŭ.
Vialikaja kolkaść mitynhoŭcaŭ kursiruje ad Majdana da vulicy Hrušeŭskaha ź mietaličnymi ščytami, draŭlanymi paddonami i hrudaj kamianioŭ.
Sa sceny Majdana abviaščajuć pra ŭmacavańnie kardonaŭ barykadaŭ na raniejšych majdanaŭskich pazicyjach.
Taksama mitynhoŭcy viarnulisia na vulicu Hrušeŭskaha i adnaŭlajuć barykady. Ich kala 1500.
Tvitar Jeŭramajdana paviedamlaje, što ŭ hateli «Ukraina» znachodziacca čatyry zabityja: u hałavu i serca.
11:29
Imklivaje razhortvańnie padziej u Kijevie: sa sceny Majdanu zaklikali nie iści dalej za Žaŭtnievy pałac, umacoŭvać barykady.
DAI, jakaja błakavała centr Kijeva, niekudy źnikła
11:28
Demanstranty znoŭ zaniali pałac «Ukrainski dom». Siły, viernyja Janukoviču, źbiehli stul u bok Viarchoŭnaj Rady.
Viarchoŭnaja Rada evakujujecca, pravaacharoncy stul adstupajuć u bok mietro «Arsienalnaja».
Prynamsi dziesiać čałaviek zahinuli ŭ bai siońnia ŭranku, niekalki socień paranienyja. Kala 30 bajcoŭ ź siłaŭ Janukoviča trapili ŭ pałon, pieradaje telekanał «Inter».
Pratestoŭcy pahasili połymia ŭ budynku Kansiervatoryi. Tam mieścicca miedpunkt Majdanu. Uranku jaho padpalili. Na Majdanie znachodziacca kala 40 tysiač demanstrantaŭ.
Dziasiatki paranienych dastaŭleny ŭ špital, jaki razhornuty ŭ Michaŭłaŭskim załatavierchim manastyry.
Vulica Instytuckaja, twitter.com/euromaidan
11:01
«Maryinski park pusty. Ja nie vielmi razumieju, što adbyvajecca, ale pakul heta vyhladaje vielmi žutka, jany da niečaha rychtujucca», — napisaŭ niekalki chvilin tamu (10:55) u svaim tvitary viadomy kijeŭski žurnalist Mustafa Najem.
Tvitar Jeŭramajdana paviedamlaje, što Radu evakujujuć.
10:56
Na Instytuckaj u Kijevie, twitter.com/euromaidan
10:50
«Bierkut» podbieham pakidaje Hrušeŭskaha
twitter.com/euromaidan
10:28
U Kijevie mitynhoŭcy zaniali Kastryčnicki pałac i pajšli ŭ nastup arhanizavanymi kałonami
Pierad Kastryčnickim pałacam, twitter.com/euromaidan
twitter.com/euromaidan
Reuters
Z boku Jeŭrapiejskaj płoščy, twitter.com/euromaidan
10:18
Supraćtankavyja harmaty na vulicach Lvova
10:01
U Chmialnickim spalili budynak SBU
09:55
Na Majdanie zajavili, što schapili snajpiera
U tranślacyi «Hramadskaha TB» prahučała pra novuju «eskałacyju» na Majdanie. Adnak kala 08:20 u hučnamoŭnik zajavili, što «Bierkut» sychodzić z Kastryčnickaha pałaca.
Taksama paviedamlajecca, što terminova patrebnyja vohnietušycieli, pustyja butelki, a taksama hučnamoŭniki z batarejkami da ich.
Akramia taho, kijaŭlan zaklikajuć prynosić čyrvony pierac i čorny pierac.
Reuters
Reuters
09:10
Na Majdan praciahvajuć prybyvać ludzi
Da šerahaŭ udzielnikaŭ Jeŭramajdana dałučylisia ludzi, jakija ŭnačy prybyli tryma aŭtobusami sa Lvova.
U svaju čarhu sakratar Danieckaha harsavieta Siarhiej Bahačoŭ zajaviŭ, što Partyja rehijonaŭ adpraŭlaje svaich aktyvistaŭ na Kijeŭ.
Ciaham nočy, niahledziačy na pieramirje, na barykadach Majdana nie ścichali ahni, vybuchi, streły zbroi i fiejervierkaŭ, z boku siłavikoŭ aktyvistaŭ aktyŭna palivali vadoj. Kala 7 hadzin ranicy z boku «Bierkuta» na barykady da mitynhoŭcaŭ palacieŭ «kaktejl Mołatava», na što aktyvisty adkazali brukoŭkaj.
09:09
Z pačatku sutyčak, 18 lutaha, u Kijevie pamierli 28 čałaviek
Pa stanie na 06:00 ranicy 20 lutaha pa miedycynskuju dapamohu da chutkich i ŭ balnicy źviarnulisia 445 čałaviek, ź ich 287 špitalizavanyja.
08:25
«Pieramirje va Ukrainie moža zachoŭvacca, ale ŭ rešcie rešt uładam nieabchodna ruchacca da stvareńnia ŭrada zhody, chaj navat časovaha.
Heta adkryje šlach da spraviadlivych i svabodnych vybaraŭ, kab vola ŭkrainskaha naroda była pravilna vykazana, biez taho chaosu, jaki my bačyli na vulicach», — zajaviŭ prezident ZŠA Barak Abama.
Jon nie zhodny, što kryzis va Ukrainie źjaŭlajecca adlustravańniem supraćstajańnia Vašynhtona i Maskvy. «My nie razhladajem heta jak šachmatnuju došku časoŭ chałodnaj vajny, na jakoj my supraćstaim Rasii», — dadaŭ Abama.
08:10
U noč na 20 lutaha pad Łubnami na Pałtaŭščynie miascovyja žychary spynili try aŭtobusy z «cituškami», jakija rušyli ŭ bok Kijeva.
U sałonach aŭtobusaŭ siadzieła kala 80 maładych chłopcaŭ spartovaha ciełaskładu. Z saboj jany vieźli draŭlanyja pałki i kaski. Aŭtobusy z «cituškami» adpravili nazad, u Danieck.
07:40
Siońnia a 10-j ranku pa biełaruskim časie adnoviacca pieramovy pamiž Janukovičam i apazicyjaj. Heta budzie ŭžo siomaja sustreča bakoŭ.
Apisvajučy ŭčorašni raŭnd pieramovaŭ, žurnalist Mustafa Najiem adznačyŭ, što Viktar Janukovič kateharyčna admaŭlajecca kazać ab svajoj adstaŭcy i ŭdziele ŭ pieramovach ES ci ZŠA. Apazicyja sa svajho boku admaŭlajecca ad prapanovy Viktara Janukoviča ab udziele ŭ pieramovach Rasii.
Reuters
07:35
Pasolstva Vialikabrytanii ŭ Ukrainie časova zakrytaje dla naviedvalnikaŭ. Pra heta havorycca ŭ paviedamleńni ŭstanovy na sajcie ambasady.
07:30
Ułady Ukrainy hatovyja abmiarkoŭvać z apazicyjaj stvareńnie sumiesnaha ŭrada i praviadzieńnie kanstytucyjnaj reformy, ale stavić pytańnie ab daterminovych vybarach prezidenta było b niapravilna. Pra heta zajaviŭ kiraŭnik MZS Ukrainy Leanid Kažara u intervju telekanału CNN.
Reuters
07:10
Dom prafsajuzaŭ u centry Kijeva vyhareŭ daščentu, pieradaje UNIAN. Na druhim paviersie budynka, dzie jašče na dniach raźmiaščaŭsia Štab nacyjanalnaha supracivu, nie zastavałasia ničoha «žyvoha»: abharełyja ścieny, padłoha, stol, adsutničajuć vokny.
07:01
Abama: Metaj ukrainskich uładaŭ pavinny być svabodnyja vybary
Na Majdanie pratestoŭcy padčas šturmu sarvali z aficera šaŭron MUS Rasii
Pra heta paviedamili sa sceny, prademanstravaŭšy rečavy dokaz.
06:20
U Čarkaskaj vobłaści aktyvisty spalili aŭtobus, jaki vioz u Kijeŭ «citušak»
06:10
ZŠA ŭvodziać vizavyja sankcyi ŭ dačynieńni da ŭkrainskich čynoŭnikaŭ
Zabarona na vydaču viz tyčycca prykładna dvaccaci vysokapastaŭlenych pradstaŭnikoŭ ŭkrainskaha ŭrada i inšych asob, , zajaviŭ žurnalistam vysokapastaŭleny pradstaŭnik dziarždepartamienta.
«My paličyli ich adkaznymi za zahady, jakija viaduć da parušeńnia pravoŭ čałavieka i palityčnych represij», - skazaŭ surazmoŭca, pieradaje RIA Naviny.
«Kali situacyja budzie ŭrehulavana - uviedzienyja sankcyi zvaračalnyja. Kali ž usio budzie drenna, jość inšyja kroki, jakija my možam zrabić u bližejšyja dni ŭ ciesnaj kaardynacyi ź ES», - dadaŭ jon.
Reuters
06:00
Niahledziačy na časovaje pieramirje, zaklučanaje prezidentam Ukrainy Viktar Janukovičam i apazicyjnymi lidarami, «Pravy siektar» praciahnuŭ u načy svaju aktyŭnaść, maładziony ź bitami šturmavali ŭ Kijevie Dziśnianskuju administracyju.
Lidar «Pravaha siektara» Dźmitryj Jaroš advierhnuŭ pieramirje i zaklikaŭ da akcyi «prymusu pravaachoŭnikaŭ da miru».
01:15
Jacaniuk zajaviŭ ab časovym miry
00:03
Pucin zaklikaŭ Mierkiel padtrymać Janukoviča ŭ baraćbie z «ekstremistami»
00.00
U Baryspali aktyvisty raźnieśli šeść aŭtobusaŭ z krymskimi najomnikami
