Kab prymusić baki padpisać damoŭlenaści, ministr zamiežnych spraŭ Polščy Radasłaŭ Sikorski havaryŭ žorstka.
Tak, vychodziačy paśla pieramovaŭ, jon kazaŭ: «Kali vy heta nie padtrymajcie, u vas budzie vajennaje stanovišča, budzie vojska. Vy ŭsie miortvyja budziecie», — skazaŭ Sikorski.
Jak raspavioŭ «Ukrainskaj praŭdzie» Alaksiej Harań, jakomu Sikorski jakraz i adrasavaŭ svaje słovy, jany razmaŭlali pra mahčymaje vyrašeńnie situacyi.
«Ja vystupaŭ na pasiadžeńni i kazaŭ, što z našaha boku my chacieli zapisać našmat bolš patrabavańniaŭ da Janukoviča u hetym pahadnieńni. Padčas pasiadžeńnia jon adkazaŭ, što heta maksimum z taho, što možna zrabić. A jon adkazaŭ, što heta adciahvaje krainu ad vajny», — raspavioŭ Harań.
«Padčas pasiadžeńnia Sikorski skazaŭ, što jak palak jon pamiataje, jak u Polščy ŭvodzili vajennaje stanovišča, jak paciarpieła šmat ludziej. Ja tady padyšoŭ i skazaŭ, što jon jak palak pavinien viedać dobra, što takoje Miunchienskaje pahadnieńnie, jakoje adkryła šlach da pahłynańnia Čechasłavakii ŭ pačatku Druhoj suśvietnaj vajny», — raspavioŭ jon.
«Ja jamu skazaŭ, što ja spadziajusia, što takoha nie budzie. Jon skazaŭ, što ja pamylajusia, i heta adciahvaje krainu ad kryvavaha kanfliktu. Na što ja skazaŭ, što budziem spadziavacca», — rastłumačyŭ Harań.
Jon nahadaŭ, što Miunchienskaje pahadnieńnie było padpisana ź Vialikabrytanijaj, Francyjaj, Hiermanijaj i Italijaj z nahody taho, što Čechasłavakija addaje Hitleru adnu z abłaściej, a praz hod paśla hetaha Hitler zachapiŭ Čechasłavakiju, a zatym napaŭ na Polšču. To bok Miunchien — heta pazicyja, jakaja adkryvaje ahresaru šlach da ahresii», — nahadaŭ jon.
