U Adesie prachodzić šmattysiačny mitynh suprać ahresii prezidenta Rasii Uładzimira Pucina.
Na mitynhu niama partyjnaj simvoliki, ludzi prynieśli tolki roznyja płakaty i ściahi Ukrainy, na vopratcy ŭ mnohich — žoŭta-sinija stužki.
Jak zajaviŭ deputat Adeskaha harsavieta Alaksandr Astapienka, usie pavinny vyrazna ŭśviadomić, što «zadača Pucina nie źjaŭlajecca zadačaj samoj Rasiei, rasiejcy — našy braty».
«Pucin choča nackavać biednaha na biednaha, abiazdolenaha na abiazdolenaha. Padzialić pa nacyjanalnaści i pa movach», — skazaŭ Astapienka.
Pavodle słoŭ deputata harsavieta Dźmitryja Śpivakova, u Adesie ideja jadnańnia Ukrainy abjadnoŭvaje rasiejcaŭ, ukraincaŭ, jaŭrejaŭ, tataraŭ, bałharaŭ i inšych.
Aktyvistka Zoja Kazanžy źviarnułasia da hramadzian, jakija vitajuć toje, što adbyvajecca ŭ Krymie: «Treba być poŭnym maralnym dehradantam, kab radavacca akupacyi svajoj krainy».
Ludzi vystupajuć jak pa-rusku, tak i pa-ukrainsku. Ni ŭ kaho nie ŭźnikaje prablem ź ich razumieńniem. Pieryjadyčna ludzi skandujuć: «Słava Ukrainie!».
