Hałoŭny rabin Ukrainy Jakaŭ Dov Błajch, adkazvajučy na pytańni žurnalistaŭ u Ńju-Jorku, dzie jon sustrakajecca ź dziaržsakratarom ZŠA Džonam Kiery, adznačyŭ, što na praciahu 20 hadoŭ niezaležnaści Ukrainy jaŭrei ŭ Krymie žyli zusim spakojna — i tolki paśla raźmiaščeńnia rasijskich vojskaŭ pa paŭvostravie niekalki dzion tamu adbyŭsia pieršy akt antysiemickaha vandalizmu. Jak pakazali kamiery vonkavaha nazirańnia, nieviadomy mužčyna nočču pieralez praz aharodžu miascovaj sinahohi, napisaŭ na ścianie pahrozy habrejam i namalavaŭ svastyki.
«My čakajem, što buduć pravakacyi, — skazaŭ hałoŭny rabin Błajch žurnalistam. — My čakajem, što ruskija zachočuć apraŭdać svajo ŭvarvańnie va Ukrainu. Jany ŭžo ciapier zajaŭlajuć u ŚMI, što banderaŭcy biehajuć i napadajuć na sinahohi — ale ničoha takoha niama. Mohuć być pravakacyi — niechta moža pieraapranucca ŭkrainskim nacyjanalistam i pačać bić jaŭrejaŭ. Ja nie pabajusia hetaha paraŭnańnia — tak rabili nacysty padčas anšlusu Aŭstryi».
