Karanerski sud u Vialikabrytanii 26 sakavika pačynaje novyja słuchańni pa spravie ab abstavinach śmierci biznesmena Bierazoŭskaha. U chodzie dvuchdzionnych pasiedžańniaŭ sud pavinien vyrašyć, ci była śmierć apalnaha aliharcha hvałtoŭnaj.
Kali fakt hvałtoŭnaj śmierci budzie ŭstanoŭleny, to sprava atrymaje dalejšy chod. Da hetaha ŭ brytanskaj palicyi zajavili, što nie majuć padstaŭ padazravać kaho b tam ni było ŭ datyčnaści da śmierci biznesmena.
Pra śmierć Biarozaŭskaha ŭ svaim domie ŭ Askotie stała viadoma 23 sakavika 2013 hoda. Rabotnik z absłuhovaha piersanału biznesmena vyjaviŭ jaho cieła na padłozie ŭ vannym pakoi, začynienym znutry. Skotłand-Jard apublikavaŭ aficyjnyja vyniki ŭskryćcia cieła aliharcha — śpiecyjalisty nie vyjavili prykmiet hvałtoŭnaj śmierci. Usio pakazvaje na toje, što biznesmen paviesiŭsia.
U Rasii jon abvinavačvaŭsia ŭ šmatlikich złačynstvach i byŭ zavočna prysudžany da turemnaha źniavoleńnia.
