U rajonie płoščy Svabody źjaviłasia kampazicyja «Haradskija šali», jakuju stvaryŭ skulptar Alaksandr Procharaŭ. Na joj haradžanie ŭzvažvajuć tavar.
Etałony jeŭrapiejskaj mietryčnaj sistemy, a taksama dazvoł na ŭstanoŭku haradskich šalaŭ Minsk atrymaŭ dziakujučy Mahdeburhskamu pravu (adpaviedny pryvilej vialikaha kniazia Alaksandra, syna Kazimira Jahiełončyka, źjaviŭsia ŭ 1499 hodzie). Adpaviedny nadpis, a taksama piačatka minskaj ratušy z vyjavaj hierba horada, znachodziacca zboku kampazicyi.
Haradskija šali, a taksama etałony adzinak vahi i abjomu zachoŭvalisia ŭ budynku ratušy.
Razburanaja ŭ 1857 hodzie jak simvał samastojnaści horada, jana była adnoŭlena ŭ pačatku XXI stahodździa.
Simvalična, što «Haradskija šali» znachodzicca niedaloka ad ścienaŭ ratušy.
