Ad siońnia aŭtavakzał «Maskoŭski» aficyjna nie pracuje — z 1 krasavika jon bolš nie prymaje i nie adpraŭlaje mižharodnich maršrutaŭ. Pakul «Maskoŭski» jašče zastaŭsia adpraŭnoj kropkaj niekalkich haradskich maršrutaŭ, adnak i jany nieŭzabavie buduć pieraniesienyja na inšyja dyśpietčarskija stancyi, a sam budynak, što źjaŭlajecca adnym z samych aryhinalnych architekturnych kanstrukcyj Minska źniasuć. Ziamielny ŭčastak na miescy aŭtavakzała vykupiŭ rasijski manapalist «Hazprom», jaki źbirajecca pabudavać na miescy aŭtavakzała svoj biznes-centr.
Na aŭtavakzale «Maskoŭskim» bolš nie pracujuć kasy. Zakryty kijosk «Biełsajuzdruku», punkt abmienu valut. Adnak pakul što pracujuć bufiet i apteka, choć prachod da jaje pierakryty mietaličnymi łaŭkami.
Na vakzał prychodziać redkija ludzi, jakija nie viedali ab źmienach transpartnych maršrutaŭ. Ab zakryćci vakzała im hučna paviedamlaje dvornik u žoŭtaj kamizelcy i ź dziarkačom u rukach: «Vakzał zakryty! Vakzała bolš niama»
Z 1 krasavika aŭtavakzał «Maskoŭski» bolš nie prymaje mižharodnija rejsy.
Budynak aŭtavakzała dosyć małady — jaho skončyli ŭ 1999 hodzie.
Budynak «Maskoŭskaha» — admietnaja ŭ architekturnym płanie vantavaja kanstrukcyja, z kazyrkom, padviešanym na trosach da centralnaj viežy.
Zakryty kijosk «Biełsajuzdruka».
Ciapier na aŭtavakzale pracujuć tolki bufiet i apteka.
Pradavačka Ludmiła Ivanaŭna nie viedaje, što ź joju budzie dalej. «Minsktrans» prapanoŭvaŭ joj pasadu bufietčycy na adnym z kancavych prypynkaŭ, ale jana admoviłasia, bo jana «pradavačka, a nie bufietčyca». Nie paviedamili Ludmile Ivanaŭnie i datu, da jakoj jana i jaje kalehi musiać pracavać na pustym vakzale.
Farmaceŭt u adkrytym aptečnym kijosku. U hety kijosk nielha prajści — halereja, što viadzie da jaho, zaharodžanaja mietaličnymi kresłami.
Zaharodžany kresłami prachod.
Hadzińnik nad centralnym uvachodam. Ekran, pa jakim tranślavałasia rekłama, adklučyli.
Ścieny aŭtavakzała azdobleny pano «Bałada ab Baćkaŭščynie» Viktara Chackieviča. Pakul nie zrazumieła, što staniecca z pano padčas demantažu vakzała.
Na vakzale zastalisia tolki supracoŭniki, vypadkovyja minaki i taksisty, jakija prapanujuć raźvieźci «kudy treba» tych, chto nie viedaŭ ab zakryćci vakzała.
Trapić u vakzał možna tolki praz adziny adkryty centralny ŭvachod na pieršym paviersie.
Sałdat čakaje maršrutnaje taksi.
Aŭtavakzał «Maskoŭski» źniasuć. Na jaho miescy pabudujuć biznes-centr rasijskaha «Hazproma».
