Lider ruchu «Za Svabodu» Alaksandr Milinkievič i kaardynatar Jeŭrapiejskaj Kaalicyi, staršynia arhkamiteta Biełaruskaj sacyjał-demakratyčnaj partyi (Narodnaja Hramada) Mikoła Statkievič byli zaprošanyja na źjezd Sacyjał-demakratyčnaj partyi Hiermanii, jaki prachodzić u Hamburhu.
U pieršy dzień źjezdu pradstaŭniki biełaruskaj apazicyi praviali sustrečy ź ministram zamiežnych spraŭ Niamieččyny Frankam-Valteram Štajnmajeram, stats-ministram zamiežnych spraŭ Hiernatam Erleram, premjer-ministram ziamli Brandenburh Matyjasam Platcekam, deputatami Bundestaha.
Padčas sustrečy abmiarkoŭvalisia biełaruska-niamieckija adnosiny, pierśpiektyvy demakratyi ŭ Biełarusi. Kožnuju sustreču biełaruskija palityki pačynali ź infarmacyi pra paŭtorny sudovy praces nad palitviaźniem Daškievičam, pra inšych viaźniaŭ sumleńnia i prasili niamieckich kalehaŭ vykarystać svoj upłyŭ dla ich vyzvaleńnia.
Mikoła Statkievič padaryŭ niamieckamu ministru partret Źmitra Daškieviča. Na druhi dzień źjezdu ŭ Mikoły Statkieviča zapłanavanyja sustrečy z staršynioj i mižnarodnym sakratarom SDPH, inšymi fiederalnymi ministrami, deputatami Jeŭraparłamienta.
