Za minuły hod, «aprača razmoŭ, ničoha nie źmianiłasia», zajaviŭ prezident 30 kastryčnika padčas narady pa pytańni budaŭnictva dziełavoha centra «Minsk‑sici» z udziełam kiraŭnictva rasijskaha TAA «Itera hrup». «Kali my 300 hiektaraŭ budziem zabudoŭvać da 2020 hoda, a moža być, i dalej, to što pra heta kazać? Ja tady budu zaprašać zamiežnych śpiecyjalistaŭ, jakija stvorać varyjanty zabudovy hetaj terytoryi», — zajaviŭ A.Łukašenka.
Jon zapatrabavaŭ paskoryć raboty pa budaŭnictvie dziełavoha centra, padkreśliŭšy, što takaja hrandyjoznaja budoŭla ŭ centry stalicy — zamanlivaja sprava, pakolki siońnia jana zapatrabavania. «Chto moža zaŭtra harantavać, što budzie takoj popyt na centr Minska? Budavać treba značna chutčej, 12 hadoŭ — niedazvolenaja raskoša», — padkreśliŭ prezident.
Nahadajem, 24 lipienia 2007 hoda na sustrečy z A.Łukašenkam pradstaŭniki chołdynha «Itera» zajavili ab žadańni inviestavać ułasnyja i pazykovyja srodki ŭ pamiery 30 młrd. dołaraŭ u budaŭnictva «Minsk‑sici». «Itera» prapanavała pabudavać žyły rajon na 35‑38 tys. žycharoŭ (prykładna 850 tys. kv. m) i vyšynny administracyjna‑dziełavy centr, u jakim buduć raźmieščany ofisnyja, handlovyja i hatelnyja płoščy, a taksama vieža vyšynioj 70‑80 pavierchaŭ. Płanujecca, što budaŭnictva centra pavinna raspačacca ŭ 2009 hodzie adrazu paśla zaviaršeńnia prajektnych rabot.