Aŭkcyjonny dom «Parahis» vystavić bolš za 20 karcin rasijskaha mastaka Nikasa Safronava na tarhi 5 maja ŭ Minsku. Ab hetym paviedamili arhanizatary aŭkcyjonu.
Taki maštabny aŭkcyjon u Biełarusi projdzie ŭpieršyniu. Napiaredadni tarhoŭ karciny Safronava ekspanujucca ŭ Minsku i abłasnych centrach krainy. Naprykład, ciapier hetyja karciny vystaŭlajucca ŭ staličnaj halerei Michaiła Savickaha, dzie jany prabuduć až da dnia aŭkcyjonu.
Čakajecca, što za prava nabyć pałotny rasijskaha mastaka buduć zmahacca členy minskaha «A-kłuba» ZAT «Alfa-Banka», jaki vystupaje partnioram hetaha prajekta. Akramia hetaha, zaprašeńni buduć razasłanyja viadomym kalekcyjanieram z krain SND.
Karciny dla aŭkcyjonu Safronaŭ vybiraŭ samastojna. Tak, niekatoryja raboty vykanany ŭ technicy dream vision, jakaja spałučaje elemienty impresijanizmu, ekspresijanizmu i realizmu, za rapracoŭku jakoj mastak byŭ uniesieny ŭ Knihu rekordaŭ Hiniesa.
Na tarhi budzie vystaŭleny partret zasnavalnika lehiendarnaha biełaruskaha ansambla «Pieśniary» Uładzimira Mulavina, napisany mastakom u 2014 hodzie. Akramia taho, udzielniki tarhoŭ zmohuć nabyć niekalki siurrealistyčnych pałotnaŭ.