Na fota: bajeviki ŭ Słaviansku viaduć zatrymanuju ŭkrainskuju žurnalistku.
V.a. prezidenta Ukrainy, staršynia Viarchoŭnaj Rady Alaksandr Turčynaŭ patrabuje ad siłavikoŭ adnavić Antyterarystyčnyja mierapryjemstvy.
Pra heta havorycca ŭ jaho zajavie, raspaŭsiudžanaj u aŭtorak viečaram.
«Siońnia ŭ Słaviansku byli znojdzienyja cieły dvuch pa-źviersku zakatavanych ludziej. U adnym ź ich apaznali źnikłaha deputata Horłaŭskaj haradskoj rady, siabra partyi «Baćkaŭščyna» Uładzimira Rybaka, jakoha vykrali napiaredadni terarysty», — nahadaŭ jon.
«Terarysty, ŭziali ŭ zakładniki faktyčna ŭvieś Daniecki rehijon, pierajšli miažu, pačaŭšy katavać i zabivać patryjotaŭ Ukrainy. Jany dziorzka kinuli vyklik nie tolki našaj krainie, ale i ŭsioj suśvietnaj supolnaści, kali demanstratyŭna paździekavalisia z rašeńniaŭ, jakija byli pryniatyja ŭ Ženievie», — skazaŭ Turčynaŭ.
«Hetyja złačynstvy robiacca pry poŭnaj padtrymcy i papuščalnictvie Rasijskaj Fiederacyi», — padkreśliŭ jon.
«Ja patrabuju ad siłavych struktur adnaŭleńnia i praviadzieńnia dziejsnych antyterarystyčnych mierapryjemstvaŭ, nakiravanych na abaronu ad terarystaŭ ukrainskich hramadzian, jakija pražyvajuć na Uschodzie Ukrainy», — zajaviŭ Turčynaŭ.
Pravaachoŭniki kažuć, što abodvuch zahinułych katavali, a potym u nieprytomnym stanie, jašče žyvymi, utapili, piša «Ukrainskaja praŭda».
Pres-słužba MUS Ukrainy paćvierdziła, što deputat Horłaŭskaha harsavieta ad partyi «Baćkaŭščyna» Uładzimir Rybak — adzin z dvuch zahinułych, čyje cieły znajšli ŭ race Tarec kala pasiołka Rajharadok Danieckaj vobłaści. Rybaku ŭskryli žyvot, načapili na śpinu zaplečnik ź piaskom i ŭtapili.
Zabity Uładzimir Rybak.
