Rašeńnie ab budaŭnictvie novaha aŭtavakzała ŭ Minsku, jaki budzie absłuhoŭvać pryharadnyja maršruty, pakul nie pryniata. Ab hetym na pres-kanfierencyi 7 maja ŭ Minsku paviedamiŭ dyrektar DU «Staličny transpart i suviaź» Valeryj Škurataŭ.
Nahadajem, što z 1 krasavika zakryty aŭtavakzał «Maskoŭski» i pryharadnyja maršruty, jakija raniej ź jaho adpraŭlalisia, ciapier absłuhoŭvajucca na dyśpietčarskich stancyjach «Karastajanavaj» i «Słavinskaha».
«Što da pierśpiektyŭ raźvićcia. Majo mierkavańnie adnaznačnaje, i ja nie mianiaŭ jaho mnohija hady: na maskoŭskim napramku nieabchodna budavać novy aŭtavakzał. Jon nie patrebien vialiki, ale raźličany na pierśpiektyvu raźvićcia pryharada na najbližejšyja 20 hadoŭ. Heta stancyja na ziamielnym učastku 0,8 ha. Jość horadabudaŭničaje rašeńnie ab takim budaŭnictvie kala stancyi mietro «Barysaŭski trakt». Techničnyja paramietry tam dazvalajuć pabudavać stancyju, ale kančatkovaha rašeńnia jašče nie pryniata», — paviedamiŭ Škurataŭ.
«Ja b nie skazaŭ, što ŭźnikajuć pytańni pa novych schiemach absłuhoŭvańnia. U cełym nasielnictva razumieje. Tyja pytańni i skarhi, jakija da nas pastupajuć, my starajemsia vyvučyć, sustrakajemsia z pasažyrami, pravodzim apytańni. Pytajemsia, što b jany chacieli źmianić u tym ci inšym maršrucie», — skazaŭ Škurataŭ.
Pavodle jaho słoŭ na 90-95% «pryniatyja rašeńni pa raźmierkavańni pryharadnych maršrutaŭ zadavalniajuć nasielnictva».
