Isus Chrystos — «sapraŭdny čempijon, jaki nie prajhraŭ nivodnaha spabornictva». Boh-Baćka — trenier, ź jakim treba raicca pa kožnym pytańni. A vierniki — kamanda pieramožcaŭ, da jakoj treba dałučacca kožnamu.
Heta nie bluźnierstva. I nie siužet filma, u jakim biblejskija padziei pieraniesieny ŭ sučasnaść.
Havorka pra brašuru «Bohatyŕ — silnyj duchom», jakuju siońnia razdavali ŭ staličnym mietro.
Jaje vypuściła Asacyjacyja duchoŭnaha adradžeńnia, jakaja bazujecca ŭ Maskvie i z 1992 hoda zajmajecca raspaŭsiudžvańniem chryścijanstva ŭ krainach byłoha SSSR.
Asnoŭny źmiest brašury — apovied pra žyćcio Isusa Chrysta, adaptavany dla dziaciej.
Tekst padzieleny na nievialikija frahmienty. Naprykład, epizod sa źjaŭleńniem archanioła Haŭryiła maje padzahałovak «Sustreča ź nieznajomcam, jaki šmat abiacaje». A historyja pra błudnaha syna — «Dobry baćka i syny-niahodniki».
Biblejski tekst časam pierapyniajecca spartyŭnymi ŭstaŭkami. U ich dzieciam tłumačycca chakiejnymi praviła, udakładniajuć, jak pravodzić treniroŭku.
Saviecki varatar Uładzisłaŭ Traćciak i sučasny napadajučy Mikałaj Lemciuhoŭ razvažajuć pra rolu viery ŭ svajoj karjery. Pasiaredzinie brušury źmieščana schiema matčaŭ płej-of minskaha čempijanatu (ad čverćfinału da finału).
Ale najbolš cikavymi padajucca ŭstaŭki, jakija majuć padzahałovak «Dumaj jak čempijon». U ich dzieciam prapanujuć brać prykład ź Isusa-čempijona.
Voś što pišuć aŭtary brašury (ich proźviščy nidzie nie nazyvajucca): «Čempijony — śmiełyja ludzi. Čytajučy Bibliju, vy šmat daviedajeciesia pra čempijonaŭ. … Padletku Isusu było 12 hadoŭ. Ale ŭ Jaho była mara, jakaja…. urešcie pryviała jaho na arenu, dzie razhortvałasia hałoŭnaje spabornictva ŭ historyi čałaviectva». Abo: «Isus viedaŭ: da pośpiechu nie byvaje lohkich šlachoŭ. Lohki šlach abaviazkova viadzie da parazy. … Prykład Isusa vučyć nas, što niedjemnaja častka pieramohi — šanavać Boha». «Chočaš być čempijonam pa žyćci? Słuchaj Boha i vykarystoŭvaj jaho prykład».
Śmierć i ŭvaskrašeńnie Isusa tłumačacca nastupnym čynam: «Isus addaŭ žyćcio, kab zrabicca Čempijonam, jaki — adzin za ŭsich — prynios pieramohu svajoj kamandzie».
