Palityčnaja ŭciakačka ź Biełarusi Volha Kłaskoŭskaja trapiła siońnia ŭnačy ŭ adzin sa špitalaŭ na poŭnačy Varšavy z nažavym ranieńniem. Joj była akazanaja nieabchodnaja medyčnaja dapamoha, paśla čaho Kłaskoŭskaja samastojna pakinuła špital.
Dadzienuju infarmacyju paćvierdzili ŭ pres‑słužbie varšaŭskaj palicyi. Jak paviedamiła «Polskamu radyjo» supracoŭnica pres‑słužby, hramadzianka Biełarusi trapiła ŭ špital z nažavym ranieńniem ŭ rajonie plača. Abstaviny zdareńnia nieviadomyja.
Pra zdareńnie žančyna painfarmavała znajomych u sms‑paviedamleńni. Skantaktavacca z samoj Volhaj Kłaskoŭskaj nam nie ŭdałosia.
Nahadajem, što 6 listapada ŭ Varšavie polskaja palicyja zatrymała byłoha muža palityčnaj uciakački ź Biełarusi Volhi Kłaskoŭskaj. Zatrymańnie adbyłosia ŭ budynku rajonnaha sudu «Varšava-Žalibaž» a 13-j hadzinie miascovaha času.
Mužčyna pryjechaŭ ź Miensku ŭ Varšavu na sudovaje pasiedžańnie ŭ spravie zapytu biełaruskaha boku ab vydačy jamu šaścihadovaj dački Mirasłavy. Pavodle niepaćvierdžanaj infarmacyi, mužčynu zatrymali ŭ suviazi z abvinavačańniem u kradziažy dziaŭčynki, jakaja ŭ Polščy znachodzicca pad abaronaj Ženeŭskaj Kanvencyi.
Palicyja dy sud pakul nia chočuć vykazvacca ŭ hetaj spravie.
Muž i žonka viaduć sprečku ab tym, z kim maje być dzicia. Žonka, jakaja atrymała status palityčnaj uciakački ź Biełarusi, ćvierdzić, što muža padtrymlivajuć łukašenkaŭskija struktury.
Buh