Kery Kronin, vykładčyca Bostanskaha kaledža, pryniała rašeńnie zaachvočvać tych studentaŭ, što chodziać na spatkańni adno z adnym, dadatkovymi bałami, paviedamlaje Metro. Žančyna ličyć, što jaje novaŭviadzieńnie raźvivaje kamunikatyŭnyja navyki moładzi i dazvalaje daviedacca bolš pra nieviadomuju padletkam tradycyju.
Vykładčyca fiłasofii vykazała ŭpeŭnienaść, što tradycyju chadzić na spatkańni ŭ sučasnym studenckim asiarodździ zamianiŭ «adnarazovy» seks, jaki nie daje maładym ludziam nieabchodnych navykaŭ znosin z supraćlehłym połam.
U 2013 hodzie ŭ chodzie adnoj ź lekcyj Kronin vykazała svaje mierkavańni navučencam, studenty zacikavilisia i zadali joj šmat pytańniaŭ ab tradycyi chadzić na spatkańni i sposabach jaho praviadzieńnia. Tady Kronin prapanavała im stvaryć supolnaść Cronin Dates («Spatkańni ad Kronin»), sustrakacca adno z adnym i atrymlivać za heta ad jaje dadatkovyja zalikovyja adzinki (tak zvanyja akademičnyja kredyty, jakija isnujuć u sistemie adukacyi ZŠA i šerahu inšych krain zamiest adznak). Pahadziŭsia ŭsiaho adzin student.
Nie admoviŭšysia ad svajoj idei, u 2014 hodzie Kronin zrabiła ŭdzieł u sacyjalnym ekśpierymiencie abaviazkovym dla ŭsich studentaŭ, jakija vybieruć kurs jaje lekcyj dla naviedvańnia (u kaledžach ZŠA navučency mohuć vybirać niekatoryja pradmiety i admaŭlacca ad naviedvańnia tych, jakija ličać niepatrebnymi, hałoŭnaje — nabrać u vyniku patrebnuju kolkaść kredytaŭ). Na kurs ad Kronin zapisalisia 15 čałaviek.
Pavodle ŭstanoŭlenych vykładčycaj praviłaŭ supołki, jaho ŭdzielniki nie pavinny całavacca, zajmacca seksam i prymać ałkahol na spatkańniach.
Jak śćviardžaje Kery Kronin, jana nie stavić metaj zrabić padletkaŭ staramodnymi, adnak upeŭnienaja, što im karysna daviedacca pra nieznajomy dla ich mietad kamunikacyi z supraćlehłym połam.
