Nie mienš za 30 čałaviek zahinuli ŭ Siryi ŭ vyniku vybuchu pablizu miažy ź Irakam. Vybuch prahrymieŭ ŭ miascovaści, dzie ažyćciaŭlaŭsia handal zbrojaj.
Situacyja ŭ Iraku rezka pahoršyłasia ŭ apošnija dni, kali bajeviki hrupiroŭki «Isłamskaja dziaržava Iraka i Levanta» (IDIŁ) zachapili bujnyja harady Masuł i Tykryt i zajavili pra namier nastupać na Bahdad.
Pavodle acenak Mižnarodnaj arhanizacyi pa mihracyi, kala 40 tysiač čałaviek źbiehli z Tykryta i Samary. Kala paŭmiljona čałaviek pakinuli Masuł.
Urad Iraka zapatrabavaŭ ad parłamienta ŭvieści režym nadzvyčajnaha stanovišča pa ŭsioj krainie, adnak parłamientu nie ŭdałosia pryniać adpaviednaje rašeńnie z-za adsutnaści kvorumu, paviedamlaje Bi-Bi-Si.
Pa słovach analitykaŭ, chvala hvałtu ŭ Iraku moža pryvieści da raskołu krainy.
Prezident pamiežnaha Irana Chasan Raŭchani zajaviŭ, što Tehieran hatovy akazać irakskim uładam dapamohu ŭ baraćbie z sunickimi ekstremistami.
A Barak Abama zajaviŭ, što prymie rašeńnie nakont dapamohi Iraku, ale nie maje namieru znoŭ nakiroŭvać tudy amierykanskija vojski
