Vyzvaleńnie pravaabaroncy Alesia Bialackaha źjaŭlajecca «abnadziejlivym znakam taho, što možna čakać bolšaha».
Ab hetym havorycca ŭ zajavie šviedskaha deputata, kiraŭnika rabočaj hrupy Parłamienckaj asamblei ABSIE pa Biełarusi Kryścijana Cholma, raspaŭsiudžanaj 23 červienia pres-słužbaj arhanizacyi.
«Biełaruskija ŭłady zrabili stanoŭčy krok, choć jon vielmi zaciahnuŭsia, — vyzvalili Alesia Bialackaha, — havorycca ŭ zajavie. — Ale jaho vyzvaleńnie nie budzie poŭnym datul, pakul ułady nie dazvolać jamu i jaho kaleham pa hramadzianskaj supolnaści pracavać volna ad pieraśledu. Vyzvaleńnie Bialackaha — abnadziejlivy sihnał taho, što možna čakać bolšaha: vyzvaleńnia i reabilitacyi ŭsich palitźniavolenych u Biełarusi, a taksama sapraŭdnaha vykanańnia ŭsich abaviazacielstvaŭ [Biełarusi] u miežach ABSIE, asabliva ŭ śfierach demakratyi i pravoŭ čałavieka».
Cholm taksama adznačyŭ, što mižnarodnaja padtrymka, pavodle słoŭ samoha Bialackaha, spryjała jaho vyzvaleńniu. «Heta pavinna słužyć napaminam mižnarodnaj supolnaści, što nieabchodna praciahvać mocna i adkryta vystupać u padtrymku pravoŭ čałavieka i pravaabaroncaŭ, a taksama prymušać urady vykonvać ich abaviazacielstvy», — padkreśliŭ kiraŭnik rabočaj hrupy PA ABSIE.
