Rasija pryznaje prava Ukrainy i Jeŭrasajuza zaklučyć pahadnieńnie ab asacyjacyi, adnak budzie prymać miery ŭ vypadku niehatyŭnych nastupstvaŭ hetaha rašeńnia dla Maskvy, zajaviŭ pres-sakratar rasijskaha prezidenta Dźmitryj Piaskoŭ.
«Kab jany nastupili, treba, kab realizoŭvałasia padpisanaje pahadnieńnie, i jak tolki pačniecca jaho implemientacyja, moža pajści havorka pra niejkija achoŭnyja miery», — cytuje Piaskova ITAR-TASS, patłumačyŭšy, što hetyja miery «vidavočnyja».
«Usio, što nieabchodna dla abarony našaj ekanomiki, budzie rabicca», — dadaŭ jon.
U piatnicu prezident Ukrainy Piatro Parašenka padpisaŭ u Bruseli pahadnieńnie ab asacyjacyi Ukrainy i ES. Anałahičnyja dakumienty ratyfikavali Hruzija i Małdova.
0
0
0
0
0
0
