Ministr zamiežnych spraŭ Uładzimir Makiej adznačaje zašoranaść jeŭrapiejskich palitykaŭ adnosna Biełarusi, ale ličyć, što rana ci pozna Jeŭrasajuz admienić adnabakovyja sankcyi.
Ab hetym jon zajaviŭ u intervju prahramie «Tydzień» telekanała «STB».
Ministr, u pryvatnaści, adkazaŭ na pytańnie ab svaim udziele ŭ ministerskaj sustrečy «Uschodniaha partniorstva» i vykazaŭ mierkavańnie, nakolki źmianiajecca pazicyja Zachadu adnosna Biełarusi.
«Uschodniaje partniorstva» na hetym etapie dla nas źjaŭlajecca nieabchodnym farmatam uzajemadziejańnia ź Jeŭrapiejskim sajuzam. I my majem namier pradaŭžać udzielničać u hetaj inicyjatyvie, pakul jana budzie adpaviadać našym nacyjanalnym intaresam. Heta dobraja placoŭka dla daviadzieńnia svajho punktu hledžańnia, pašyreńnia realnych prajektaŭ, jakija mahli b mieć addaču i karyść dla kankretnych hramadzian našaj krainy. My spakojna pracujem u ramkach inicyjatyvy «Uschodniaje partniorstva» z usimi našymi partniorami na postsavieckaj prastory i kalehami ź Jeŭrapiejskaha sajuza», - skazaŭ Uładzimir Makiej.
«Sapraŭdy, apošnim časam z ulikami situacyi ŭ rehijonie i ŭ śviecie ŭ cełym adnosiny da Biełarusi źmianilisia ŭ lepšy bok, i heta było vidavočna ŭ chodzie majho znachodžańnia ŭ Brusieli ŭ čas apošniaha pasiadžeńnia Savieta ministraŭ zamiežnych spraŭ krain Jeŭrasajuza i «Uschodniaha partniorstva», - skazaŭ ministr. - Na žal, pryncypova padychody da Biełarusi nie źmianilisia. I pryčynu hetaha ja baču ŭ isnujučaj dahetul zašoranaści jeŭrapiejskich palitykaŭ adnosna Biełarusi. My zajaŭlali ab hetym adkryta i ŭ chodzie pasiadžeńnia. Ale ja dumaju, što čas, u lubym vypadku, lečyć, i rana ci pozna Jeŭrasajuz admienić adnabakovyja sankcyi adnosna Biełarusi, jak my taho i patrabujem».
«Ciapier dla nas važna stvareńnie narmalnaj pazityŭnaj atmaśfiery dla dalejšaha raźvićcia našaha handlova-ekanamičnaha supracoŭnictva ź Jeŭrapiejskim sajuzam, tamu što Jeŭrapiejski sajuz dla nas źjaŭlajecca druhim važnym partnioram paśla Rasii, i my majem namier budavać svaju rabotu ź im na asnovie raŭnapraŭnaha, spakojnaha, pavažlivaha dyjałohu, nie adstupajučysia ad svaich pryncypaŭ i nacyjanalnych intaresaŭ», — dadaŭ kiraŭnik źniešniepalityčnaha viedamstva.-
