Alaksandr Łukašenka zapatrabavaŭ da nastupnaj uboračnaj kampanii davieści jakaść kambajnaŭ, što vypuskajucca ŭ Biełarusi, da ŭzroŭniu najlepšych zamiežnych anałahaŭ.
Adpaviednuju zadaču kiraŭnik dziaržavy pastaviŭ siońnia ŭ čas rabočaj pajezdki ŭ Minskuju vobłaść.
«Kambajny da nastupnaj ŭborcy pavinny być nie horšyja za niamieckija i amierykanskija», — skazaŭ jon.
Alaksandr Łukašenka akcentavaŭ uvahu na jakaści techniki. «Pieradajcie kožnamu majstru i pracoŭnamu — za jakaść budziem samym žorstkim čynam pytacca. Kankurencyja kožny hod uzmacniajecca», - adznačyŭ jon.
Jašče adzin važny aśpiekt - nieabchodnaść pavyšeńnia łakalizacyi ŭ vytvorčaści techniki. «Vazić siudy impartnyja detali, źbirać kambajny i vychvalacca potym — nam hetaha nie treba. My sami pavinny heta vyrablać, i heta vaša zadača», - padkreśliŭ kiraŭnik dziaržavy.