Alaksandr Łukašenka padpisaŭ Ukaz №402 «Ab mierach pa zabieśpiačeńni režymu nadzvyčajnaha stanovišča», paviedamlaje jaho pres-słužba.
Dakumient raspracavany ŭ metach realizacyi artykuła 18 Zakona «Ab nadzvyčajnym stanoviščy» i vyznačaje paradak arhanizacyi i dziejnaści kamiendatury terytoryi, na jakoj uviedziena nadzvyčajnaje stanovišča, u vypadku jaje stvareńnia.
Ukazam vyznačany paradak stvareńnia i spynieńnia dziejnaści kamiendatury, jaje asnoŭnyja zadačy i funkcyi, pravy i abaviazki słužbovych asob.
Dadzieny orhan utvarajecca dla zabieśpiačeńnia vykanańnia paŭnamoctvaŭ kamiendanta terytoryi, na jakoj uviedziena nadzvyčajnaje stanovišča, a jon, u svaju čarhu, pryznačajecca dla ažyćciaŭleńnia adzinaha kiravańnia siłami i srodkami, jakija zabiaśpiečvajuć režym nadzvyčajnaha stanovišča.
Na siońnia pryniaćcie hetaha Ukaza jak nikoli aktualna, adznačaje pres-słužba. — Heta abumoŭlena, u pieršuju čarhu, tym, što ekstremalnyja źjavy nadvorja, jakija vyklikajuć maštabnyja kryzisnyja situacyi, na žal, adbyvajucca paŭsiudna i ŭsio čaściej.
Jak pakazvaje zamiežnaja praktyka, bolšaść vypadkaŭ ŭviadzieńnia nadzvyčajnaha stanovišča za miažoj abumoŭlena mienavita nieabchodnaściu minimizacyi nastupstvaŭ stychii i zabieśpiačeńnia abarony žyćcia, zdaroŭja i ŭłasnaści hramadzian na paciarpiełych terytoryjach. I mienavita na kamiendaturu ŭskładzieny paŭnamoctvy pa arhanizacyi ŭ kryzisnaj situacyi likvidacyi abstavin, jakija pasłužyli padstavaj dla ŭviadzieńnia nadzvyčajnaha stanovišča, harantavańnia biaśpieki žyćcia i zdaroŭja ludziej.
U cełym pryniaćcie hetaha Ukaza budzie sadziejničać pavyšeńniu efiektyŭnaści kaardynacyi dziejańniaŭ dziaržaŭnych orhanaŭ va ŭmovach nadzvyčajnaha stanovišča.
