Luboje ŭmiašańnie na padstavie akazańnia «humanitarnaj» dapamohi žycharam rehijonaŭ, dzie iduć bai, moža być ažyćcioŭlena tolki paśla farmalnaha ŭzhadnieńnia z uradam Ukrainy i adpaviednaha dazvołu Kijeva, zajaviŭ prezident ZŠA ŭ chodzie hutarki z kiraŭnikom italjanskaha ŭrada.
Jak paviedamlajecca na sajcie Biełaha doma, Barak Abama i premjer-ministr Italii Matea Renca abmierkavali ŭ telefonnaj razmovie šerah vostrych mižnarodnych prablem, u tym liku situacyju va Ukrainie.
Jany adznačyli namahańni ŭkrainskich uładaŭ pa arhanizacyi dastaŭki humanitarnaj dapamohi pad ehidaj Mižnarodnaha Kamiteta Čyrvonaha Kryža i inšych pryznanych mižnarodnych arhanizacyj.
Abama i Renca taksama vykazali adzinaje mierkavańnie, što lubyja kroki Rasii, jakija nie adpaviadajuć vyšejpieraličanym pałažeńniam, buduć pryznanyja niedapuščalnymi i parušajučymi mižnarodnyja zakony, i pryviaduć da dadatkovych sankcyj suprać Maskvy.
Miž tym, pa paviedamleńniach rasijskich infarmahienctvaŭ, aŭtakałona z sotniaŭ hruzavikoŭ z rasijskaj humanitarnaj dapamohaj žycharam paŭdniovaha ŭschodu Ukrainy vyjechała ŭ noč na aŭtorak z padmaskoŭnaha Nara-Faminska.
