Ukrainskaja pravasłaŭnaja carkva Maskoŭskaha patryjarchatu abrała novym pradstajalnikam mitrapalita Anufryja.
Jon ličycca kampramisnaj fihuraj.
Va ŭłońni UPC adny, pieravažna z uschodu dy poŭdnia, chočuć likvidacyi ŭkrainskaj dziaržaŭnaści i źlićcia z RPC. Lidarami hetaj partyi ličacca namieśnik Kijeva-Piačorskaj łaŭry Pavieł i mitrapalit Adeski Ahafanhieł.
Inšyja, pieravažna vychadcy z centra krainy i maładziejšyja, bačać budučyniu va ŭtvareńni sabornaj i samastojnaj Ukrainskaj pravasłaŭnaj carkvy šlacham złučeńnia isnych kanfiesij. Lidaram hetaj partyi nazyvali mitrapalita Vińnickaha Simiaona.
Anufryj, jak ličycca, trymaje aściarožnuju dystancyju i ad adnych, i ad druhich. Adnak u cełym jon usio ž taksama prychilnik kancepcyi «ruskaha śvietu».
Hałasavańnie prachodziła ŭ 2 tury.
U druhim tury za mitr. Anufryja addali hałasy 48 jepiskapaŭ Ukrainskaj Pravasłaŭnaj Carkvy.
Paśla 1-ha tura hałasy lidaraŭ raźmiarkoŭvalisia nastupnym čynam: mitrapalit Čarnavicki i Bukavinski Anufry — 36, mitrapalit Baryspalski i Bravarski Antoni — 24, mitrapalit Vińnicki i Barski Simiaon — 9.
Ukrainskaja pravasłaŭnaja carkva navat i Maskoŭskaha patryjarchata abiraje svajho kiraŭnika sama. A ŭ Biełaruskuju pravasłaŭnuju carkvu jaho pryznačaje Maskva. Hetak byŭ pryznačany mitrapalit Pavieł, jaki da Biełarusi pierad tym nie mieŭ nijakaha dačynieńnia.
