Pavyšeńnie zarpłaty nastaŭnikam budzie dyfierencyravanym, jaho pamier budzie zaležać ad jakaści pracy i katehoryi piedrabotnika. Ab hetym zajaviŭ 20 žniŭnia namieśnik ministra adukacyi Siarhiej Rudy na žnivieńskaj naradzie piedahahičnych rabotnikaŭ Bresckaj vobłaści.
Namieśnik ministra adznačyŭ, što pavyšeńnie zarabotnaj płaty i sacyjalnaha statusu piedahoha Ministerstva adukacyi ličyć adnoj z asnoŭnych zadač na 2014/2015 navučalny hod. Jon paviedamiŭ, što ciapier pa daručeńni kiraŭnika dziaržavy heta pytańnie razhladajecca ŭradam, prapracoŭvajecca miechanizm pavyšeńnia zarpłaty. «Budzie pravodzicca značnaje pavyšeńnie vypłat pa katehoryjach. Heta značyć budzie ŭličvacca jakaść vykładańnia piedahoha i niepasredna jaho katehoryja», — padkreśliŭ Siarhiej Rudy.
Pavodle jaho słoŭ, jość i inšyja mahčymaści dla pavyšeńnia zarpłaty nastaŭnikam, jakija nie zadziejničany ŭ rehijonie. U pryvatnaści, Bresckaja vobłaść maje nievysoki pakazčyk pa kolkaści vučniaŭ na adnaho nastaŭnika. «Mienavita tamu ŭ vobłaści horšy pakazčyk pa zarpłacie nastaŭnikaŭ. Tamu što suadnosiny vučań/nastaŭnik u vas horšyja. U Mahiloŭskaj i Homielskaj abłaściach na 12 pracentaŭ zarpłata vyšejšaja ŭ piedahohaŭ, čym u Bresckaj. Jość jašče šerah pakazčykaŭ, jakija ŭpłyvajuć na zarpłatu nastaŭnikaŭ. Jość mietodyki, pa jakich zekanomlenyja hrošy mohuć być nakiravany na pavyšeńnie zarpłaty», — zaŭvažyŭ namieśnik ministra.
Jak paviedamiŭ pieršy namieśnik načalnika ŭpraŭleńnia adukacyi Bresckaha abłvykankama Alaksandr Žuk, u vobłaści pryniaty šerah mier pa rostu zarabotnaj płaty rabotnikaŭ adukacyi. Za červień biahučaha hoda siaredniaja zarpłata ŭ padviedamnych ustanovach skłała Br3 młn 527 tys. 300 rub. Na hetyja mety było nakiravana ŭ papiarednim navučalnym hodzie Br11 młrd, što byli vyzvaleny ŭ vyniku aptymizacyi. U biahučym hodzie na hetyja mety zapłanavana nakiravać bolš za Br15 młrd. Razam z tym, zaŭvažyŭ Alaksandr Žuk, asobnyja rajony słaba vykarystoŭvajuć mahčymaści dla dyfierencyjacyi pavyšajučych taryfnych stavak pracujučym pa kantrakcie piedrabotnikam.
Napiaredadni novaha navučalnaha hoda ŭ vobłaści praviedziena rabota pa pavieličeńni napaŭnialnaści 1-4-ch i 10-11-ch kłasaŭ, što dało mahčymaść skaracić kolkaść małakamplektnych kłasaŭ u sielskaj miascovaści i maksimalna zapoŭnić vučnioŭskija miescy ŭ kłasach haradskich škoł. U vyniku siaredniaja napaŭnialnaść kłasaŭ va ŭstanovach ahulnaj siaredniaj adukacyi skłała 17,3 vučnia na adzin kłas. Heta samy vysoki pakazčyk u respublicy i vyšej za minułahodni pakazčyk u rehijonie. Razam z tym, nahruzka pa vobłaści na adnaho nastaŭnika zastajecca nižejšaja za siarednierespublikanskuju — 8,9 vučnia na nastaŭnika (9,1 — u respublicy).
U novym navučalnym hodzie ŭ Bresckaj vobłaści budzie funkcyjanavać 1221 ustanova adukacyi, ź ich 528 škoł i 489 daškolnych ustanoŭ. U tym liku z 1 vieraśnia buduć pracavać 12 siarednich škoł z kantynhientam da 50 navučencaŭ. Na roznyja ŭzroŭni adukacyi za viedami pryjduć kala 220 tys. maładych ludziej, u tym liku 156 tys. — va ŭstanovy ahulnaj siaredniaj adukacyi.
