U Breście 21 žniŭnia zaviaršyŭsia pieršy mižnarodny turnir pa chakiei na travie «Pramietej».
Za hałoŭny pryz zmahalisia čatyry kłuby: lidary biełaruskaha chakieja na travie brescki «Budaŭnik» i CHK «Minsk», rasijskija «Dynama» (Elektrastal) i «Tana» (Azoŭ). Kamandy praviali adnakruhavy turnir.
U pieršy hulniavy dzień, 19 žniŭnia, CHK «Minsk» byŭ macniejšy za «Tanu» — 5:2, u biełarusaŭ pa dva hały zakinuli Ivan Łucevič i Alaksandr Hančaroŭ, adzin raz vyznačyŭsia Mikita Marcinkievič. U toj ža dzień «Budaŭnik» ź likam 1:2 ustupiŭ «Dynama» z Elektrastali. Adziny hoł u brestaŭčan zakinuŭ Ivan Kisialevič.
Na nastupny dzień «Budaŭnik» nie pakinuŭ kamienia na kamieni ad abarony «Tany», lik hulni 9:0. Pa dva razy varoty rasijan brali Vital Zyščyk i Ivan Kisialevič, pa razie vyznačylisia Michaił Paŭłovič, Alaksandr Radzivinavič, Ihar Jahoščankaŭ, Alaksandr Harčaniuk i Alaksandr Łukašyk. «Minsk» dziakujučy hałam Alaksandra Hančarova i Mikity Karala ź likam 2:1 byŭ macniejšy za rasijskaje «Dynama».
U zaklučny dzień turniru kłub z Elektrastali ź likam 6:2 raźbiŭ «Tanu», a CHK «Minsk» pry dapamozie hałoŭ Ivana Łuceviča, Alaksandra Hančarova i Jaŭhiena Michiejčyka abyhraŭ ź likam 4:2 «Budaŭnik» i staŭ pieršym pieramožcam «Pramieteja».
CHK «Minsk» nabraŭ 9 ačkoŭ, druhoje miesca z 6 ačkami ŭ «Dynama» (Elektrastal), 3 ački i treciaje miesca ŭ «Budaŭnika», niama ačkoŭ i apošniaje miesca ŭ «Tany».
Try z čatyroch udzielnikaŭ turniru «Pramietej» zmahalisia za Kubak sadružnaści, jaki zaviaršyŭsia 12 žniŭnia, tady pieršym na finiš pryjšło «Dynama» z Elektrastali, druhimi byli brestaŭčanie, trecimi — minčanie.
