Prezident Piatro Parašenka ŭ suviazi z rezkim abvastreńniem situacyi ŭ Danieckaj vobłaści admianiŭ vizit u Turcyju i abviaściŭ sklikańnie ekstrannaha pasiadžeńnia RNBA.
«Ja pryniaŭ rašeńnie admianić pracoŭny vizit u Tureckuju Respubliku ŭ suviazi z rezkim abvastreńniem situacyi ŭ Danieckaj vobłaści, u pryvatnaści ŭ Amvrosijeŭcy i Starabiešava, bo adbyłosia ŭviadzieńnie rasijskich vojskaŭ va Ukrainu», — zajaviŭ Parašenka.
«Miesca prezidenta siońnia ŭ Kijevie», — dadaŭ jon.
Jon skazaŭ, što Ukraina pavinna terminova inicyjavać sklikańnie pasiadžeńnia Rady Biaśpieki AAN.
«Śviet pavinien dać acenku rezkamu abvastreńniu situacyi va Ukrainie», — skazaŭ prezident krainy.
Pavodle jaho słoŭ, Ukraina taksama źvierniecca da svaich jeŭrapiejskich partnioraŭ z zaklikam sklikać nadzvyčajnaje pasiadžeńnie Rady Jeŭrapiejskaha Sajuza.