Hetaha viasiella fanaty čakali, zdavałasia, viečna. Žurnalisty ź pieryjadyčnaściu raz na hod žanili Pita z Džoli. Ale kožny raz źjaŭlalisia abviaržeńni.
Kadr ź filma «Mister i misis Śmit»
Roŭna tydzień tamu psichaanalityk Breda Pita, 54-hadovy Ron Bard u siensacyjnym intervju Daily Mail raspavioŭ, što Pit zastajecca z Džoli z-za dziaciej. Sa słoŭ psichaanalityka, Pit ŭsio jašče lubić byłuju žonku Dženifier Enistan.
Pakul uvieś śviet hadaŭ, čamu Ron Bard vyrašyŭ pralić śviatło na adnosiny Džoli i Pita mienavita ciapier, adna z samych pryhožych par Halivuda cicha, bieź lišnich vačej, uzakoniła svaje adnosiny.
Uračystaja padzieja adbyłasia 23 žniŭnia ŭ Francyi, u nievialikaj kaplicy ŭ pryvatnym majontku siarod siamji i siabroŭ.
Jak piša Associated Press sa spasyłkaj na pres-sakratara maładych, 50-hadovy Pit i 39-hadovaja Džoli atrymali paśviedčańnie ab šlubie ad kalifarnijskaha sudździ, jaki i pravioŭ cyrymoniju.
Džoli i Pit paznajomilisia na zdymačnaj placoŭcy «Mister i misis Śmit» ŭ 2004 hodzie. I, jak uzhadvaje režysior karciny, nie adrazu znajšli ahulnuju movu: «Jany pavodzili siabie jak skarpijony ŭ bancy». «Bred mnie zdaŭsia napyšlivym i hanarystym. A ja jamu dyk dakładna — durnavataj isteryčkaj», — kaža Džoli.
Pit i Džoli razam užo 10 hadoŭ, niahledziačy ni na što. U ich šaściora dziaciej, troje ź jakich pryjomnyja.
Pavodle infarmacyi BuzzFeed, Džoli išła da ałtara ŭ supravadžeńni svaich starejšych synoŭ Medaksa i Paksa, dočki Zachara i Vivjen kidali pialostki kvietak, a syn Noks i dačka Šajła trymali piarścionki.
