Adzin tolki pieralot u Karakas budzie kaštavać Biełarusi 500 tysiač dalaraŭ.
U chutkim časie ŭ Vieniesuele pačnie pracu Nacyjanalnaja biełaruskaja vystava. Pajechać u Karakas źbirajecca kala 300 čałaviek. Pobač ź ministrami, kiraŭnikami pradpryjemstvaŭ, navukoŭcami i žurnalistami aficyjnych ŚMI Biełaruś budzie pradstaŭlać Iryna Darafiejeva sa svaim teatram. Śpiavačka paćvierdziła, što pačała ŭžo źbiracca ŭ Łacinskuju Amieryku. Navat pieśni na ispanskaj movie pačała vučyć.
Da Karakasa možna tolki dalacieć. Da taho ž, i nie adnym samalotam. Kampanija “Biełavija” prapanuje vylet ź Minsku, ź dźviuma pierasadkami ŭ Jeŭropie. Košt pieralotu ŭ abodva baki – 1058 dołaraŭ. Pieralot z Maskvy praz Frankfurt kaštuje 1629 dołaraŭ. Pamnožcie na 300 udzielnikaŭ delehacyi. Tolki pieralot abyjdziecca pryblizna ŭ 500 tysiač dołaraŭ. Kolki atrymajecca, kali siudy dadać kamandzirovačnyja, apłatu hatela i hetak dalej, skazać ciažka.
