Kiraŭnik administracyi Kramla Siarhiej Ivanoŭ u intervju «Rasijskaj haziecie» zajaviŭ, što płany ŭrada Ukrainy pa budaŭnictvie ściany na miažy z Rasijaj zrobiać niemahčymym adnaŭleńnie jakich-niebudź stasunkaŭ pamiž Kijevam i Maskvoj.
«Ja vialiki prychilnik Pink Floyd i adnym z najvialikšych muzyčnych tvoraŭ minułaha stahodździa liču albom The Wall, pa jakim źniaty film… Budaŭnictva ściany, na moj pohlad, zrobić niemahčymym naohuł adnaŭleńnie jakich-niebudź adnosin.
Dzieści, darečy, ja pačuŭ śviežy aniekdot: ściana Jacaniuka — heta małabiudžetnaja «linija Manierhiejma», —
skazaŭ Ivanoŭ. — Kali surjozna, ja ŭpeŭnieny: nijakaj ściany nie budzie ŭrešcie. Rytoryka rytorykaj, a žyćcio žyćciom.
Miljony ŭkrainskich hramadzian, jakija pastajanna znachodziacca na terytoryi Rasijskaj Fiederacyi i jakija zarablajuć hrošy, za košt jakich vyžyvajuć ich siamji, — heta nikudy nie padzieniecca».
Nahadajem, 3 vieraśnia premjer-ministr Ukrainy Arsienij Jacaniuk zajaviŭ ab pačatku prajekta «Ściana» pa ŭmacavańni miažy z Rasijaj. Na realizacyju prajekta advodzicca šeść miesiacaŭ.