U Škłoŭskim rajonie ranicaj 21 vieraśnia adbyŭsia pažar na małočna-tavarnaj fiermie ŭ vioscy Aleksandryja. Było evakujavana 100 karoŭ. Paciarpiełych niama.
Jak paviedamili ŭ Mahiloŭskim abłasnym upraŭleńni MNS, infarmacyja ab uzharańni traktara na terytoryi fiermy pastupiła ad adnaho z rabotnikaŭ haspadarki.
«Pa prybyćci pieršaha padraździaleńnia adbyvałasia hareńnie pahruzčyka «Amkador» adkrytym połymiem ŭnutry budynka karoŭnika. Žyvioły z budynka byli evakujavanyja rabotnikami MTF da prybyćcia padraździaleńniaŭ MNS», — adznačyli va ŭpraŭleńni.
U vyniku pažaru byli paškodžanyja pahruzčyk «Amkador» 2008 hoda vypusku i 20 kv. m śviatłaaeracyjnaha lichtara budynka.
Jak miarkujuć u MNS, pryčynaj pažaru stała karotkaje zamykańnie elektraabstalavańnia ŭ pahruzčyku…