Kančatkovy košt pryrodnaha hazu dla Biełarusi, pavodle jaho słoŭ, budzie viadomy ŭ najbližejšy čas.
«125 dołaraŭ — heta hruby raźlik pavodle toj formuły, jakaja była zaćvierdžana dla Biełarusi. Što budzie dakładna, śpiecyjalisty padličać u śniežni, z dnia na dzień», — skazaŭ I.Macieraŭ.
Namieśnik ministra taksama padkreśliŭ, što pierahladać pavodle prośby Biełarusi formułu cany na haz, jaki pastaŭlajecca z Rasii, «niemetazhodna». Na dumku namieśnika ministra, heta «nie vielmi sumlenna, bo doŭha i ŭparta damaŭlalisia».
I.Macieraŭ nahadaŭ, što 31 śniežnia 2006 hoda «Hazprom» i «Biełtranshaz» padpisali kantrakt na pastaŭku i tranzit hazu ŭ 2007—2011 hadach. Zhodna z hetym dakumientam, cana rasijskaha hazu na 2007 hod była vyznačana ŭ 100 dołaraŭ za tysiaču kubamietraŭ. U kantrakcie taksama prapisana formuła raźliku cany na haz z 1 studzienia 2008 hoda. Raniej u «Hazpromie» paviedamlali, što cana na haz dla Biełarusi budzie pryviazana da cany, jakaja vyznačana dla Polščy.