«Što za dziva? Finlandyja na abhortcy padarunkavaj šakaładki stała častkaj Rasii», — pišuć finskija ŚMI.
Čytač finskaj haziety Ilta-Sanomatt raspavioŭ, što byŭ vielmi ździŭleny, kali tydzień tamu ŭ adnoj z knižnych kram na Nieŭskim praśpiekcie Sankt-Pieciarburha ŭbačyŭ niezvyčajnuju šakaładku.
Na abhortcy plitki šakaładu napisana «Karta Rasii 2015», dzie adlustravanyja ciapierašnija miežy Rasii i «pierśpiektyŭnyja» terytoryi. Čyrvonymi «pierśpiektyŭnymi» ryskami zafarbavanaja Finlandyja, a taksama inšyja krainy Jeŭropy i Azija.
«Tam było šmat roznych vidaŭ padarunkavaha šakaładu, ale ŭsie astatnija byli tradycyjnymi», — raspaviadaje čytač.
Na šakaładcy jość taksama papiaredžańnie-prabačeńnie ad vytvorcy, jakoje finski pakupnik, kali jon nie vałodaje rasiejskaj, nie zmoh by pračytać: ahavorvajecca, što vyjava na malunku źjaŭlajecca mastackaj, a kampanija-vytvorca pavažaje nacyjanalnyja pačućci ŭsich hramadzian i nie imkniecca ich abrazić.
Šakaładki z kartaj vypuskaje kampanija «ShokoBox». U ofisie firmy patłumačyli, što kartu malavaŭ adzin z udzielnikaŭ konkursu dyzajnieraŭ. Imia jaho nie paviedamlajecca.
