Štučny intelekt źjaŭlajecca samaj surjoznaj pahrozaj dla čałaviectva. Tak ličyć viadomy biznesmen i zasnavalnik kampanij Tesla Motors i SpaceX Ełan Mask. Pra heta jon zajaviŭ u svaim vystupie ŭ Masačusieckim technałahičnym instytucie.
Razmaŭlajučy sa studentami i naviedvalnikami technałahičnaha ŭniviersiteta Ełan Mask padzialiŭsia svaim mierkavańniem nakont raspracovak u vobłaści štučnaha intelektu. Pavodle jaho słoŭ, «nieabchodna być vielmi aściarožnym» u hetaj halinie navuki.
«Raspracoŭvajučy štučny intelekt, my faktyčna zaklikajem djabła. Vam znajomyja historyi, dzie niechta, uzbrojeny śviatoj vadoj, maluje piktahramy, kab vyklikać djabła, budučy ŭpeŭnienym, što zmoža kantralavać jaho. Ale heta nie tak», — ličyć biznesmien.
Raniej Mask adznačaŭ, što štučny intelekt dla čałaviectva moža być kudy bolš niebiaśpiečnym, čym jadziernaja zbroja.
