Pačynajučy z 1 studzienia 2015 hoda takija hihanty jak Amazon, Nook i Kobo, zarehistravanyja ŭ Luksiemburhu, vymušanyja buduć pradavać svaje elektronnyja knihi pa značna vyšejšych cenach.
«Luksiemburhski raj» z 3-pracentnaj staŭkaj PDV istotna ŭpłyvaŭ na kanuretnazdolnaść pradukcyi bujnych hulcoŭ, ale zaraz PDV z kupli budzie raźličvacca nia pa staŭcy krainy, u jakoj znachodzicca anłajn-krama, a pa staŭcy krainy, u jakoj znachodzicca pakupnik.
Heta aznačaje, što dla žycharoŭ jeŭrapiejskich krain, dzie PDV na elektronnyja knihi našmat vyšej, čym u Luksiemburhu, novaja palityka Jeŭrasajuza z vysokaj dolaj vierahodnaści aznačaje pavyšeńnie koštaŭ. Tak, dla Vialikabrytanii staŭka PDV na elektronnyja knihi składaje 20%, u Polščy - 23%.
Treba adznačyć, što brytanskija knihahandlary ŭspryniali padatkovyja novaŭviadzieńni Jeŭrasajuza pazityŭna. Da hetaha času takija knižnyja sietki jak Waterstones vymušanyja byli ŭžyvać da svaich elektronnych knih 20-pracentnuju staŭku PDV, u toj čas jak ich hłabalnyja kankurenty, takija jak Amazon, Kobo Nook, karystalisia libieralizmam luksiemburhskaha zakanadaŭstva.
U cełym pa śviecie ŭ 2013 hodzie rynak elektronnych knih pavialičyŭsia na 37 pracentaŭ u paraŭnańni z 2012 hodam - z 6 da 9 miljardaŭ dołaraŭ. Tak naprykład, u 2013 hodzie kožnaja čaćviortaja kupla knihi ŭ Vialikabrytanii prychodziłasia na knihu ŭ ličbavym farmacie. U Rasii dola elektronnych knih na rynku aceńvajecca mienš čym u 1%.
