Rada Jeŭrapiejskaha sajuza na hod praciahnuła sankcyi ŭ dačynieńni da Biełarusi, da 31 kastryčnika 2015, paviedamlaje pres-cłužba ES.
Jak udakładniajecca ŭ paviedamleńni, sankcyi byli «pradoŭžanyja i abnoŭlenyja». Praciah sankcyj ES źviazvaje z tym, što «nie ŭsie palityčnyja viaźni byli vyzvalenyja i reabilitavanyja», a situacyja z pravami čałavieka, viaršenstvam zakona i demakratyčnych pryncypaŭ «istotna nie palepšyłasia».
Apublikavańnie tekstu rašeńnia Rady ES i jaho ŭstupleńnie ŭ siłu čakajecca zaŭtra, adznačaje pres-słužba viedamstva.
U «čorny śpis» ŭvachodziać kiraŭnik Biełarusi Alaksandr Łukašenka i jaho syny — Viktar i Dźmitryj, ministr justycyi Aleh Śližeŭski, staršynia KDB Valeryj Vakulčyk, kiraŭnik Centralnaj vybarčaj kamisii Lidzija Jarmošyna, ministr pa padatkach i zborach Uładzimir Pałujan i inšyja pradstaŭniki biełaruskaj ułady.
Hety «śpis» byŭ sfarmavany paśla prezidenckich vybaraŭ 2006 hoda ŭ suviazi sa «šmatlikimi parušeńniami pravoŭ čałavieka». Vosieńniu 2008 hoda ES prypyniŭ dziejańnie hetych sankcyj, farmalna matyvavaŭšy heta rašeńnie palapšeńniem situacyi z pravami čałavieka ŭ Biełarusi, adnak na praktycy heta było zroblena ŭ toj momant, kali Minsk vyrašaŭ pytańnie ab dypłamatyčnym pryznańni abo niepryznańni Paŭdniovaj Asiecii i Abchazii.
«Čorny śpis» ES byŭ pašyrany paśla prezidenckich vybaraŭ u Biełarusi ŭ śniežni 2010 hoda.
