fota z sajta Kabmina Ukrainy
Ukrainskija ŭłady časova admaŭlajucca ad sacyjalnych vypłat častcy nasielnictva Danieckaj i Łuhanskaj abłaściej, terytoryi jakich kantralujucca sieparatystami, paviedamiŭ premjer-ministr Ukrainy Arsienij Jacaniuk.
«Pakul terytoryi buduć znachodzicca pad kantrolem samazvancaŭ, urad nie budzie spansiravać ich. Jak tolki terytoryi buduć vyzvalenyja, my vypłacim usie sachrošy», — zajaviŭ Jacaniuk.
Premjer taksama adznačyŭ, što Kijeŭ hatovy pastaŭlać haz i elektryčnaść u Danbas hetaj zimoj, adnak abiacaje ŭ vypadku viartańnia kantrolu nad usioj terytoryjaj rehijonu adniać košt hazu i elektryčnaści z sumy, praduhledžanaj u dziaržbiudžecie na vypłaty sacyjalnych ilhotaŭ i subsidyj hetamu rehijonu.
«Što datyčyć pieramovaŭ, to čarhovy raz adznačaju: ź imi za stoł dvuchbakovych pieramovaŭ sadzicca bieśpierśpiektyŭna. Adzin z samych efiektyŭnych i realnych farmataŭ — heta ženieŭski farmat, jaki praduhledžvaŭ ŭdzieł ZŠA, ES, Ukrainy i našaha paŭnočnaha hieahrafičnaha susieda», — dadaŭ Jacaniuk.
U svaju čarhu, aficyjny pradstaŭnik Rady nacyjanalnaj biaśpieki i abarony Ukrainy Andrej Łysienka zajaviŭ, što režym spynieńnia ahniu na ŭschodzie Ukrainy i minskija mirnyja damoŭlenaści praciahvajuć dziejničać.
