Quora — siervis pytańniaŭ, dzie vam mohuć adkazvać prafiesijanały ŭ peŭnych halinach. Isnuje rejtynh adkazaŭ, jaki dazvalaje kancentravacca na bolš papularnych viersijach.
Adzin sa svajakoŭ zahinułych pasažyraŭ rejsa MH17 zapytaŭ na Quora, što adčuvali ludzi ŭ apošnija chviliny žyćcia. «Naša Niva» pierakłała najbolš rejtynhavyja adkazy.
Ramzi Amri, PhD student miedycyny
Ja vielmi škaduju pra vašu stratu i nie mahu sabie ŭjavić, praz što vy prachodzicie.
Choć ja nie ekśpiert pa hetym kankretnym pytańni, u mianie jość prafiesijnaje razumieńnie fizijałohii čałavieka i fiziki.
Pa-pieršaje, kali korpus samalota byŭ prabity rakietaj, całkam vierahodna, što cisk u kabinie ŭpaŭ imhnienna, na vyšyni 10—11 km heta aznačaje niedastkovuju kolkaść kisłarodu, kab znachodzicca ŭ prytomnaści. Faktyčna, za niekalki siekundaŭ u čałavieka adbyvajecca hipaksija i jon hublaje śviadomaść.
Takim čynam, akramia šmatlikich pasažyraŭ, jakija byli adrazu zabityja praz trapleńnie šrapnieli ad rakiety, astatnija imhienna stracili prytomnaść.
Jość mierkavańnie, što ŭ apošniaj fazie padzieńnia ludzi mohuć pryjści ŭ śviadomaść, bo kancentracyja kisłarodu pavialičycca. Ja miarkuju, heta vielmi małavierahodna.
Chutki raźlik z vykarystańniem 9,780 m/s pastajannaha hravitacyjnaha paskareńnia Ziamli kaža nam, što padzieńnie zojmie kala 45 siekundaŭ nie ŭličvajučy treńnia, a z aeradynamičnymi ŭłaścivaściami samalota ŭ viertykalnym padzieńni budzie aznačać 1,5—2 chviliny. Heta značyć, što samalot trapić u zonu z dastatkovaj kolkaściu kisłaroda za ličanyja siekundy. Kali ludzi całkam hublajuć prytomnaść z-za hipaksii, hetaha naŭrad ci budzie dastatkova kab pryjści ŭ siabie.
Daniel Kierns, pradaviec samalotaŭ
Na vyšyni 11 km masiŭnyja paškodžańni samalotu pryvodziać da niekantralavanaj dekampresii. Jaje jašče nazyvajuć «vybuchovaj» dekampresijaj. Vierahodna, usio pasažyry i ekipaž zahinuli adrazu mienavita praz heta.
Milind Biendžamin
Adrazu skažu — pasažyry ničoha nie adčuli. Jany zhubili prytomnaść, nie paśpieŭšy niešta pačuć ci pabačyć. Pamirać nikoli nie dobra, ale chacia b jany ničoha nie adčuli.
Čamu tak adbyłosia? Rakieta «Buk» nie źbivaje samalot, jana nabližajecca da jaho i adbyvajecca vybuch. Heta vyklikaje vybuchovuju chvalu, jakaja nanosić strukturnyja paškodžańni. Samalot nie ŭrazajecca ŭ ziamlu, jon raspadajecca ŭ pavietry. Tamu abłomki raskidanyja na kiłamietry.
Nie moža iści havorki pra kisłarodnyja maski, usio adbyvajecca vielmi chutka, za siekundu. Mahčyma, ludzi navat nie bačuli vybuchu, bo jon byŭ chutčejšy za huk.
Pol Kovan
Toje, što adbyvajecca z samalotam u značnaj stupieni zaležyć ad pamieru rakiety. Viadomy vypadak, kali karejski samalot byŭ padbity rakietaj «pavietra-pavietra» i ŭ vyniku paškodziŭ kryło. Tady samalot atrymałasia pasadzić.
Ale rakiety takoha kłasu ŭtrymoŭvajuć značna mienš vybuchoŭki. Navat vybuch u Łokierbi byŭ vyklikany tolki pałovaj kiłahrama vybuchoŭki — rakiety ž «Buk» majuć 70. Tamu varta razumieć, što samalot atrymaŭ kałasalnyja paškodžańni. Adbyvajecca imhiennaja razhiermietyzacyja i spynieńnie ŭ pavietry, chutkaść padaje z 900 km na hadzinu da 0. Hetaje tarmažeńnie i adsutnaść kisłarodu i zabivajuć pasažyraŭ. Heta zapavolvańnie zabivaje i pasažyraŭ aŭtamabilaŭ, ale jany, vidavočna, ruchajucca pavolniej.
Tamu, bolšaść pasažyraŭ zahinuła imhnienna albo znachodziłasia ŭ biezprytomnym stanie da samoha ŭdaru ab ziamnuju pavierchniu. Kaniešnie, jość šaniec na toje, što niechta moh paśpieć dastać kisłarodnuju masku - ale sumnieŭna što avaryjnyja sistemy funkcyjanavali b, samalot prosta razvalivaŭsia.
